Igiciro cy’ibikomoka kuri peteroli cyazamutseho hafi 80Frw

Urwego rw’igihugu ngenzura mikorere RURA rutangaza ko igiciro cy’ibikomoka kuri peteroli cyazamutse aho kuri ubu Litiro ya lisansi igura amafaranga 987Frw naho mazutu ikagura 962Frw.

Ibi biciro bishya byatangajwe kuri uyu wa Gatatu Tariki 6 Mutarama 2021,bizatangira gukurikizwa kuri uyu wa Kane Tariki 7 Mutarama 2021 Nk’uko RURA yabitangaje.

Iryo tangazo rivuga ko igiciro cya lisansi i Kigali kitagomba kurenga Amafaranga y’u Rwanda 987 kuri litiro, naho igiciro cya Mazutu i Kigali ntikigomba kurenza Amafaranga y’u Rwanda 962 kuri litiro.

RURA ivuga ko ibi biciro bihindutse bitewe n’impinduka zabaye ku biciro by’ibikomoka kuri peteroli ku Isoko mpuzamahanga.

Ni ibiciro byazamutse ugereranyije n’ibiheruka gutangazwa aho Litiro ya lisansi yaguraga amafaranga y’u Rwanda 908Frw none ikaba yageze kuri 987 Frw.Bivuze ko hiyongereyeho 79Frw.

Ni mu gihe icyo gihe igiciro cya Mazutu kuri litiro cyari amafaranga y’u Rwanda 883Frw naho ubu kikaba cyageze kuri 962Frw hakaba hiyongereyeho 79 Frw.

Subiza

Email Yawe Ntiribugaragazwe