Rusizi:Hakomeje kwibazwa byinshi ku musore wasanzwe muri kaburimbo yarahiye mu maso arakongoka

Ahagana i saa ine mu mudugudu wa Mutuzo mu kagari ka Gakoni mu Murenge wa Muganza ho mu karere ka Rusizi hatoraguwe umugabo ku muhanda wa kaburimbo uvuga ko agira izina rimwe Nshimiye ameze nkuwahiye mu isura ye yose.


Ni igice cyo mu maso ubona cyarahiye hakoreshejwe umuriro hakaba hakomejwe kwibazwa ku cyaba cyarateye kwangirika ku isura yuwo musore w’imyaka 27 y’amavuko.


Amakuru agera kuri Muhabura aravuga ko uwo musore yabwiye inzego z’ibanze ko akomoka mu kagari ka Gatereri ho mu murenge wa Butare umwe mu murenge ugize imirenge y’akarere ka Rusizi.


Uwo musore kandi yakomeje avuga ko ise yitwa Baguza Zaccharie na mama we akitwa Nzabandora Francine.


Amakuru ava mu buyobozi bw’umurenge aravuga ko nabo basanze uwo musore ku muhanda bakabona ameze nabi bakihutira ku mujyana kwa muganga dore ko yaramerewe nabi.


Iby’aya makuru kandi byahamijwe n’Umunyamabanga Nshingwabikorwa w’Umurenge wa Muganza Bwana Ngirabatware James aho yavuze ko nyuma y’ibindi byose urembye yabanjwe kujyanwa kwa muganga.


Yagize ati:”Nyuma yo kumusanga kuri kaburimbo ameze nabi uyu yajyanywe mu kigo nderabuzima cya Islamique muri Bugarama cite kugirango yitabweho.”

Denis Fabrice Nsengumuremyi/MuHABURA.RW

Subiza

Email Yawe Ntiribugaragazwe