Habumuremyi wahoze ari Minisitiri w’Intebe mu Rwanda yakatiwe igifungo cy’imyaka itatu no gutanga ihazabu

Dr Pierre Damien Habumuremyi wahoze ari Minisitiri w’Intebe mu Rwanda yakatiwe n’Urukiko rw’Ibanze rwa Nyarugenge igifungo cy’imyaka itatu no gutanga ihazabu ya Miliyoni 892 Frw.

mwanzuro ukaba wasomwe hifashishijwe ikoranabuhanga, Dr Pierre Damien Habumuremyi akaba yari muri Gereza i Mageragere.

Dr Habumuremyi yahawe icyo gihano, naho Serushyana Charles bareganwa wahoze ari umucangamutungo muri kaminuza ya Christian University we agirwa umwere ku cyaha cyo gutanga sheki itazigamiye.

Ni mu gihe kandi Dr Pierre Damien yahanaguweho icyaha cy’ubuhemu nyuma y’uko nta bimenyetso bifatika byatanzwe n’Ubushinjacyaha.

Dr Pierre Damien Habumuremyi we avuga ko ibyaha ashinjwa bikwiye kubazwa kaminuza ya Christian University kuko ibyakozwe byose byakorwaga mu izina ry’iyo kaminuza.

Icyakora urukiko rwo rwasanze Dr Habumuremyi ari we ukwiye kubibazwa kuko ari imbere mu basinye kuri izo sheki zitazigamiwe, akaba adakwiye kubyitirira iyo kaminuza.

Subiza

Email Yawe Ntiribugaragazwe