Perezida wa Palestine yateguje ko ashobora gusesa amasezerano y’umutekano na Isiraheli

Perezida wa Palestine Mahmoud Abbas yateguje ko ashobora gusesa amasezerano y’umutekano na Isiraheli. ibyo bibaye nyuma y’iminsi 3 hashyizweho Guverinoma nshya ibyo bihugu byombi bihuriyeho izashyirwa ahagaragara bitarenze ku itariki ya 1 Nyakanga, ku ishyirwa mu bikorwa rya gahunda yateganyijwe na Leta Zunze Ubumwe z’Amerika.

Abadipolomate b’abanyaburayi bagize Inama y’umutekano bibukije Isiraheli intego nyamukuru y’imipaka yashyizweho mu 1967 bayihanangiriza ko bayisaba kutagira igice yiyomekaho, kuko hari ibihano biteganyijwe.

Ba Ambasaderi 5: Uwa Estonia, u Budage, u Bubuligi, u Bufaransa na Pologne bari mu Nama y’umutekano bongeye kubwira Guverinoma Nshya ya Isiraheli ko ikizere cy’amahoro mu karere ari uko ibihugu byombi, Isiraheli na Palestine, byakubahiriza amasezerano y’amahoro nk’uko byatangajwe n’umunyamakuru wa Radiyo Mpuzamahanga y’u Bufaransa Carrie Nooten uri i New York.

Ambasaderi w’u Bubuligi, Marc Pecsteen, yagize ati: “Turagira inama Isiraheli ko itafata ikemezo ndakuka cyo kugira Intara n’imwe ya Palestine yiyomekaho. Mu gihe yaba ibirenzeho byaba bihanabanye n’uburenganzira mpuzamahanga”.

Kwiyomekaho kose n’iyo yaba bigizwemo uruhare na Leta Zunze Ubumwe z’Amerika, biratuma Inama y’umutekano ifata undi mwanzuro nk’uko byatangajwe na bamwe mu ba dipolomate bibutsa ko igisubizo kuri ibyo bihugu byombi cyamenywe n’ubuyobozi bw’abarepubulike mu gihe cyashize, bwa George Bush mu 2004.

Naho ku ruhande rwa Loni, Nickolay Mladenov we yavuze ko Leta Zunze Ubumwe z’Amerika, u Burusiya. Umuryango w’ubumwe bw’i Burayi, n’Umuryango w’abibumbye bakongera kwicara hamwe bagasubiramo ibijyanye n’imishikirano hagati ya Isiraheli na Palestine.

Minisitiri w’Ububanyi n’Amahanga w’u Bufaransa, Jean-Yves Le Drian yagize icyo avuga kuri icyo kibazo ejo hashize ku itariki ya 20 Gicurasi. Ati: “Ku bwange gukora kw’iyo Guverinoma bizatiza umurindi kuba hashobora kubaho iyomekwa rya Cisjordanie kuri Isiraheli nk’uko gahunda ya Trump ibiteganya. Ni ikemezo kibangamye, kidashyigikiwe n’u Bufaransa ndetse u Burayi bwitegura kugira icyo bwahurizaho kuri iyo ngingo”.

Yongeyeho ati: “Turimo gukorera hamwe nk’Abanyaburayi, u Butaliyani, u Budage na Espagne n’ibindi bihugu nka Luxembourg na Irlande ngo hagerwe ku mwanzuro rusange duhuriyeho; kugeza ubu ntawavuga ngo ni uyu n’uyu, ariko tuzakorera hamwe duhurize ku gikorwa cyo guhangana n’uburyo ikemezo cyo komeka iyo ntara cyaba gifashwe”.

Uyu muminisitiri kandi yanasobanuye ko banahuye n’ibihugu by’abarabu by’umwihariko Jordanie na Misiri, ibihugu byasinye ayo masezerano y’amahoro na Isiraheli kugira ngo abe ari na bo ubwabo bazatanga ubutumwa babugeza kuri Guverinoma ya Isiraheli.

Yagize ati “Byongeye tuvugana n’abayobozi ba Palestine kuko ntacyo wakora n’abanyapalesitina gusa, ahubwo hakwiye ko buri wese aboneka hakabaho guhurira hamwe ku meza mu biganiro”.

Niyomugabo Albert / MUHABURA.RW

Subiza

Email Yawe Ntiribugaragazwe