Wa mupolisi w’i Burundi yafatiwe mu Rwanda yasubijwe iwabo

Kuwa gatanu, umupolisi wo ku mupaka Irakoze Théogene ku ruhande rw’i Burundi yafatiwe mu Rwanda yambutse yasinze arafungwa. Kuri uyu wa mbere nibwo yasubijwe inzego z’umutekano iwabo.

Ubuyobozi bw’Akarere ka Rusizi bwatangaje ko bwashyikirije abayobozi b’i Burundi uyu mupolisi wari wafatiwe ku butaka bw’u Rwanda.

Ubusanzwe uyu mupolisi akorera ku mupaka wa Ruhororo mu Ntara ya Cibitoke inahana imbibi n’u Rwanda ku gice cy’iburengerazuba bw’amajyepfo y’u Rwanda.

Radio na Televiziyo by’u Burundi byatangaje kuwa gatandatu mu gitondo ko kuwa gatanu nijoro saa 18h45, APC Irakoze Théogène ko yafatiwe ku mupaka n’inzego z’umutekano z’u Rwanda yarenze umupaka akinjira mu gihugu mu buryo butemewe.Impamvu ngo yabimuteye ni ubusinzi.Uyu munsi nibwo uyu mugabo yasubijwe iwabo.

Hashize imyaka itatu u Rwanda n’u Burundi bifitanye ibibazo bya Politiki, imibanire mibi yabyo yatumye imigenderanire no guhahirana hagati y’abaturage b’ibihugu byombi bigabanuka bikomeye, byateye igihombo ku baturage, cyane cyane abaturiye imipaka y’ibihugu byombi.

Chief Editor

Subiza

Email Yawe Ntiribugaragazwe