Abapolisi b’u Rwanda bambitswe imidari y’ubunyamwuga n’ubwitange(REBA AMAFOTO)

Abapolisi b’u Rwanda 183 bari mu butumwa bw’amahoro bw’umuryango w’abibumbye muri Sudani y’Epfo bambitswe imidari bashimirwa ubunyamwuga n’ubwitange bagaragaza mu bikorwa byo kubungabunga amahoro.

Abambitswe imidari bagizwe n’itsinda ry’abapolisi 160 bayobowe na Assistant Commissioner of Police (ACP) Bosco Rangira bagize itsinda rya 2 (RWAFPU2) rikorera mu murwa mukuru wa Sudani y’Epfo Juba, hamwe n’abapolisi 23 bakora nk’abagenzuzi ndetse n’abajyanama mu bikorwa byokubungabunga amahoro.

Uyu muhango w’itabiriwe n’umuyobozi w’ibikorwa bya gisirikare mu butumwa bw’umuryango w’abibumbye muri Sudani y’Epfo (UNMISS) Lt. Gen Frank Mushyo Kamanzi,ndetse na Commissioner of Police (CP) Bruce Munyambo ukuriye ibikorwa by’abapolisi bo mu bihugu bitandukanye bari mu butumwa bw’amahoro.

Hari kandi n’Umuyobozi wungirije ushinzwe Politiki akaba n’intumwa y’umuyobozi wa UNMISI Moustapha soumare. Yashimiye Leta y’u Rwanda ubwitange n’umurava badahwema kugaragaza mubikorwa by’umuryango w’abibumbye.

Uyu muhango w’itabiriwe n’umuyobozi w’ibikorwa bya gisirikare mu butumwa bw’umuryango w’abibumbye muri Sudani y’Epfo (UNMISS) Lt. Gen Frank Mushyo Kamanzi,ndetse na Commissioner of Police (CP) Bruce Munyambo ukuriye ibikorwa by’abapolisi bo mu bihugu bitandukanye bari mu butumwa bw’amahoro.

Hari kandi n’Umuyobozi wungirije ushinzwe Politiki akaba n’intumwa y’umuyobozi wa UNMISI Moustapha soumare. Yashimiye Leta y’u Rwanda ubwitange n’umurava badahwema kugaragaza mubikorwa by’umuryango w’abibumbye.

Yagize ati “Turashimira Leta y’ u Rwanda uruhare igira mubikorwa by’umuryango w’abibumbye uyu munsi wanone turi hano twishimira umusaruro w’ibikorwa bya Polisi y’u Rwanda. Uyu mudari ni ikimenyetso kigaragaza ko tuzirikana ubwitange n’ubunyamwuga mugaragaza mukazi kanyu ko kubungabunga amahoro hirya no hino ku isi.’’

Moustapha yakomeje avuga ko ibikorwa umuryango w’abibumbye ugeraho ntagushidikanya uruhare rwa Polisi y’u Rwanda rwigaragaza.

Akomeza agira ati’’ ubuhanga n’umurava mu korana akazi kanyu ni bimwe mubituma UNMISS igera kunshingano zayo, aho ibihumbi by’abatuye umurwa mu kuru Juba mu koreramo kuri ubu bafite umutekano usesuye.’’

Yasoje ashimira imyitwarire y’abapolisi b’u Rwanda ku mirimo bakora harimo guhosha imyigaragambyo, gucunga umutekano w’abasivile muduce turimo intambara,kubaka ibikorwa remezo nibindi.

ACP Bosco Rangira uyobora itsinda ry’abapolisi b’u Rwanda babungabunga amahoro mu murwa mukuru Juba yavuze ko ibyo bakora arizo nshingano zabo z’ibanze, yishimira agaciro bihabwa.

Yagize ati’’ Mugihe cy’amezi 10 tumaze aha dukora aka kazi, ntibyari kutworohera iyo ubuyobozi bwa UNMISS butatuba hafi, ndashimira buri wese uruhare yagize mukudufasha kugera kunshingano zacu zokugarura amahoro aho atari.’’

ACP Rangira asoza ashimira abapolisi ayoboye ubwitange, umurava n’ikinyabupfura bagaragaje abasaba kugumana uwo muco kugeza bashoje ubutumwa barimo.

Ni umuhango witabiriwe n’ Abanyarwanda batuye muri Sudan y’Epfo, Abanyasudan ndetse n’inshuti z’u Rwanda ziba muri iki gihugu.






Yanditswe na Habarurema Djamali

Subiza

Email Yawe Ntiribugaragazwe