Yashyizweho kuri13 October, 2016 | 06:59

Babyeyi Banjye Double Face offical lyrics Video

Umuhanzi nyarwanda Double Face akomeje kugenera abakunzi be n’aba muzika nyarwanda muri rusange uburyo bushya bwo gucengera ubutumwa buba buri mu bihangano bye.

Amazina ye asanzwe ni Regis Ndayizeye. N’ubwo kuri ubu abarizwa mu karere ka Nymasheke kubera impamvu z’akazi, vuka mu mujyi wa Kigali I Nyamirambo hamwe n’abandi basitari.

Mu minsi yashize uyu mugabo yaravuzwe cyane ahanini bibanda ku kahigo yimitseho muri muzika nyarwanda, kuba ari we muntu watangiye umuziki akuze kurusha abandi nk’uko tubikura mu kiganiro yagiranye n’urubuga rwa Touchrwanda.com mu mwaka ushize.

Kuri ubu ikigezweho kuri we, ni uburyo ashyize imbere bwo gucengeza ubutumwa bwe mu bafana. Ni uburyo buzwi nka lyrics aho amagambo aririmbwa mu ndirimbo ariyo agaragara mu mwana wa video.

Yagize ati: “Amashusho ni ngombwa ni nayo mpamvu agomba kwitonderwa, gusa aho bigeze ubu usanga abantu basigaye bireberamo ibigezweho yewe naho byaba bitajyanye n’ibivugwa mu ndirimbo.

Hiphop, ni yo njyana nge mpamya ko ari yo ya mbere ibamo ubutumwa, gusa usanga hari n’abavuga ko batumva buri jambo kuko hari abaririmba bihuta.

Kimwe kuri nge, ni uko ndirimba ntihuta, ikindi ari nacyo maze gushyiramo ingufu ni lyrics. Bituma ababishaka bagerwaho neza n’ibyo tuba twabagenewe, ubutumwa,”

Uyu muraperi yavuze ko n’ubwo yatangiye gushyira ibihangano hanze atinze, ngo yari umunyamuziki ku cyera kuko yarawukurikiraga cyane akanawukora. Ati: “burya ntugakine n’abantu, ibintu byo gutekereza indirimbo ugahita uyikora utitaye ku bizakurikiraho si byiza, nabanje kwitegura kandi ubu ni ok.”

Ni koko kandi kuko mu mwaka umwe gusa amaze mu muziki amaze gukora indirimbo eshanu. Kuri ubu iri kuvugwa cyane ni “Babyeyi Bange”. Ni indirimbo yakozwe na The Trackslayer. Uretse injyana nziza, ubutumwa buyirimo ni impano buri muntu wese yagakwiye kugera umubyeyi we cyangwa undi umurera.

Ngo yayikoze kuko azi neza ko kubera isi ya none hari abantu benshi batakiba hafi y’ababyeyi babo kubera impamvu zitandukanye. Ni byo byamuteye kuyikora. Ikubiyemo intashyo, amashimwe ndetse n’izerano ryo kutazatatira igihango.

Indi ni “Ikimenyetso” yakorewe muri Touch Records. Hari kandi n’iyo yakoze yiragiza iImana kimwe Hari n’izindi ebyiri avugako atari ngombwa kuzishyira ahagaragara kuko ngo yazikoze akiri kwimenyereza.

Tumubajije gahunda afite yatubwiye ko icyo yifuza ari ukuba umunyamuziki nyawe, bitandukanye no kuba umuririmbyi gusa. Yanongereyeho ko icyamushimisha kurushaho ari ukubona umuziki nyarwanda ku ruhando mpuzamahanga ngo kuko byagirira bose akamaro. Izo ndirimbo sose zikaba ziboneka kuri you tube

Yanditswe na Lucky van Rukundo/Muhabura.rw


Tanga igitecyerezo

Amazina
Ubutumwa

2 Comments

Dina - October 2016

komeza utsinde

agnes - October 2016

double face courage pe ,uje neza kuko uzirikana cyana cyane agaciro k’umubyeyi.

Izindi nkuru

Inkuru zikunzwe