Yashyizweho kuri24 July, 2017 | 17:22

Abaturage bavuga ko bambuwe amafaranga y’ingurane

Bamwe mu baturage bo mu mudugudu wa gitega mu kagali ka mageragere mu murenge wa mushubati mu karere ka Rutsiro, bafite imirima ndetse n’amazu byanyujijwemo umuhanda baravuga ko batahawe amafaranga y’ingurane.


Aba baturage bavuga ko bamaze amezi arindwi babariwe , gusa ngo kugeza ubu nta namake barishyurwa .

Kuruhande ry’ubuyobozi bw’akarere ka Rutsiro bwo buvuga ko bwamaze kwishuyura abaturage bose

Ni mudugudu wa gitega akagali ka mageragere mu murenge wa Mushubati Ahubatse umudugudu w’icyitekererezo mu karere ka Rutsiro.

Bamwe mu baturage bari batuye muri uyu mudugudu bavuga ko ubwo hakorwaga imihanda igera ahari kubakwa umudugudu w’icyitegererezo imwe mu mirima ndetse n’amazu yabo byaguye ahanyuze umuhanda , bakaza kubarirwa amafaranga y’ingurane ngo ariko hashize amezi agera kuri arindwi batarahabwa ayo mafaranga.

JPEG - 180.9 kb
Uyu muturage yitwa Musoni Etienne, atuye mu mudugudu wa Gitega akagali ka Mageragere umurenge wa Mushubati

Uyu muturage yitwa Musoni Etienne, atuye mu mudugudu wa Gitega akagali ka Mageragere umurenge wa Mushubati avuga ko n’ubwo ubuyobozi bwiza bwabegereje amajyambere ariko hari bamwe bagize ikibazo ati” Hari abantu Imihanda nk’iyi yagonze , bakase gutya mu mirima yacu no mumyaka guhera mukwezi kwa 12 umwaka ushize, nta muntu n’umwe waciye umubeya w’ikigoli ,cyangwa se ngo anasarure n’udutonore tw’ibishyimbo, barangije bafa amazu yacu barayasenya , barangije bafata imva twari twarashyinguye mo abantu bacu baradutaburuza, badutegeka kuyajyana ahantu hagenewe gushyingurwa abantu rusange , baratubwira bati tuzabaha amafaranga, none bibaye hafi amezi 7 , guhera mu kwa 11 umwaka ushize, twajya kubaza akarere ka katubwira ngo ibyanyu tubirimo , ariko tubonana abenshi nta ruvugiro dufite” Akomeza avuga ko ikibazo bagishyirije umuyobozi bw’akarere ndetse n’Umurenge.

Nyirambibi Beatrice nawe utuye mu mudugudu wa Gitega akagali ka Mageragere umurenge wa Mushubati avuga ko mbere haje imidoka eshanu, bajekureba aho bazubaka umudugudu w’intangarugero ati” Haje Imodoka 5 jije kureba aho bazubaka uno mudugudu, basanga ndimo ndapinyura ino nzu ngiye gusakara , yari ihamaze umwaka wose , ngiye kugura ibiti n’imbingo ngo nsakare, bahise bampagarika bambwira ko ntongera gushyiraho itafari na rimwe , nange nahise numvira Leta ndayihorera , iy’ inzu uko imeze gutya niko nyibamo kandi n’ubundi basanze nyirimo, banyubakiragaho bayinzamuriraho, kuko ubundi ntafite ahandi hokubona ncumbika.’’

JPEG - 239.5 kb
Nyirambibi Beatrice nawe utuye mu mudugudu wa Gitega akagali ka Mageragere umurenge wa Mushubati

Akomeza avuga ko ariho yavukiye hanyuma akazu yabagamo aza kubana kagiye ku mugwira mu imvura, agashyira hasi ngo katamugwira kugira ngo anaramire n’udutafari twari tukiri tuzima. avuga ko ikibazo cye yagishyirije ubuyobozi ariko ko ntacyo bagikoraho ati” Nyibanamo na tuno duhinja twange twimpfubyi iyo imvura iguye nimwo insanga ubworero n’uku nyibamo.”

Kuruhande rw’ubuyobozi bw’akarere ka Rutsiro,bwo ntibwemeranya n’ibivugwa n’aba baturage kuko Umuyobozi w’Akarere wungirije ushinzwe ubukungu Gakuru Munyakazi Innocent ,Avuga ko abaturage bose bagombaga guhabwa amafaranga y’ingurane ubu bamaze kwishyurwa. yagize ati" Abaturage bose bamaze kwishyurwa n’uwaba yarasigaye yaza tukamurangiriza ikibazo, ariko ndumva twaramaze kwishyura”

JPEG - 93.3 kb
Umuyobozi w’Akarere wungirije ushinzwe ubukungu Gakuru Munyakazi Innocent

Yanditswe na Ruhumuriza Richard/Muhabura.rw


Tanga igitecyerezo

Amazina
Ubutumwa

Izindi nkuru

Inkuru zikunzwe