Yashyizweho kuri5 December, 2019 | 12:00

Nazanye murumuna wanjye ngo mufashe yige none yantwariye umugabo ngiye no gusara-Mbigenze nte?

Umugore utuye mu karere ka Nyagatare mu ntara y’Iburasirazuba yandikiye Muhabura.rw ashaka gutanga ubuhamya bw’ibyamubayeho by’uko murumuna we yazanye ngo amufashe ariwe ugiye kumusenyera ndetse anasaba inama z’uko yabyifatamo kuko ku bwe imyanzuro yafata ishobora kuba myiza ku buryo bumwe ikanaba mibi ku bundi buryo.

Uyu mubyeyi w’abana batatu twahaye amazina ya Vestine yatangiye asa n’uwutanga inama n’ubwo bitaba kuri bose aho yavuze ko umuntu ashaka gufasha murumuna we cyangwa mwenewabo w’igitsina gore byaba byiza atamujyanye mu rugo rwe.

Vestine avuga ko yatwawe umugabo na murumuna we umukurikira bwa bwa gatatu, akaba yari amaze imyaka isaga 5 abana n’umugabo bashakanye bakanabyarana abana batatu ndetse babanye neza.

Yagize ati : ”Namukuye iwacu mu rugo muzana iwanjye ngirango mufashe, ejo hazaza he hazabe heza, ariko naje gutungurwa n’uko nyuma y’umwaka umwe tubana , yabaye mukeba wanjye akaba ashaka kuntwarira umugabo tubyaranye gatatu kose.

“Ushaka gufasha murumuna we cyangwa undi mwene wabo w’igitsinagore ntakamuzane iwe, byampaye isomo ntateze kuzibagirwa mu buzima... Nari mfite gahunda yo kuzamushyira mu muri iniverisite none arashaka kunsenyera kweli ”

Nabyukaga nigira gushaka imibereho ngasiga murumuna wanjye mu rugo rimwe na rimwe n’umugabo wanjye yabaga ahari, nkabasigana. Sinigeze na rimwe nkeka ko murumuna wanjye ashobora gutinyuka kunca inyuma. Igihe cyaje kugera abaturanyi bakabwira ko murumuna wanjye afitanye agakungu n’umugabo wanjye, nkabihakana ubimbwiye wese akaba umwanzi wanjye. Ariko igihe cyaje kugera ukuri kujya ahagaragara, umukobwa atangira guhinduka akajya ananshingana ijosi, sinkamenye ko ari mukeba wanjye.”

Akomeza avuga ko ubuzima bwo mu rugo bwagiye buhinduka umunsi ku munsi atangira kujya akubitwa, yateka ibiryo umugabo akabimena, akarya ibyatetswe na murumuna we gusa.

IsomoVestine yabonye ntiyifuza ko hari undi byagwirira: “Murumuna wanjye twonse ibere rimwe, yambereye mukeba arinjye wamwizaniye mu rugo, ndakubitwa kubera we, nicwa n’inzara, mva mu rugo nkangara ndara ku gasozi ijoro ryose, kandi mfite ibipangu nubakanye n’umugabo wanjye. Naramwirukanye umugabo wanjye arabyanga ahubwo arankubita mbese ubu barandenze neza neza. Abagore bagenzi banjye yaba abakiri bato cyangwa abamaze gukura.”

Ntihakagire uwikururira murumuna we mu rugo, kuko abakobwa b’iki gihe ntibakigira isoni nta mpuhwe bagira rwose, ibyambayeho sinifuza ko hari undi byabaho.

Bakunzi b’urubuga rwacu dukunda,Muhabura.rw, mbandikiye ngira ngo mungire inama kuko kugeza ubu kugirango ngire undi mwanzuro nafata byangora, ndabinginze nimumbwire uko nabyitwaramo kugira ngo nongere nkundane n’umugabo wanjye nka mbere kuko aho bigeze mba numva ngiye no gusara.

Nawe niba ushaka kugisha inama abakunzi ba Muhabura.rw twandikire kuri email:muhabura10@gmail.com cyangwa habadjamali12@gmail.com

Murakoze.

Chief Editor/MUHABURA.RW


Tanga igitecyerezo

Ibitekerezo


Tanga igitekerezo


8 Comments

Jado - 3 months ago

Uzajye iwanyu ubibwire nyoko niba ahari, we azategeke murumuna wawe kukuvira mu rugo ku ngufu, umugabo nakomeza kumushaka, azamusange ahandi atari iwawe mu rugo.

Namusabyimana Samuel - 5 months ago

Ariko Nawe Itekerezeho Umenye Impamvu Umugabo Yakwanze Agafata Murumuna Wawe? Ariko Muwo Mugabo Simwiza Uzamuganirize Umenye Ikibimutera Wenda Harubwo Agamije Kumusambanya Gusa Akamureka We! Nawe Iga Amagambo Meza Azagaruka Ndabikwijeje Wa!

Namusabyimana Samuel - 5 months ago

Ariko Nawe Itekerezeho Umenye Impamvu Umugabo Yakwanze Agafata Murumuna Wawe? Ariko Muwo Mugabo Simwiza Uzamuganirize Umenye Ikibimutera Wenda Harubwo Agamije Kumusambanya Gusa Akamureka We! Nawe Iga Amagambo Meza Azagaruka Ndabikwijeje Wa!

munyaneza - 5 months ago

mubwire amucumbikishirize ahandi babane nkumugore n’ Umugabo bareke kuguma kugusambanira mu maso ubundi utuze urere abana bawe. ko azajya arongora n’ abandi uzabigira ute .ugize amahirwe urugo rwawe rusenyukiye mwanyu nawe uravuga?

Gisele - 5 months ago

Vestine ihangane nta kundi abagore n’abakobwa ni benci ni ugusaranganya da nta kundi njye naremeye bymbayeho,byakire rwose n’umutima mwiza ubuzima bukomeze,nonese ko umugabo Atari umwana wawe ngo uramuhana,uko yakurongoye Niko yarongora n’undi,inyuma yawe hakaza n’abandi benshi tuza rero urere abana bawe ntacyo wakora,wikwisaza Dia,.

Iradukunda Emmanuel - December 2019

Ihangane Ncuti Niba Rwose Ariwowe Wamwizaniye Ntiwirwe Urenganya Umugabo Uraho Utazi Yuko Ububyakomeye Koko Imyire Usige Inkingi Kuko Umugabo Yarafashwe Nb: Ahokugirango Wiyahure Wampamagara Kwiyi Numbers Nkakwirongorera Kuko Najye Ncaka Umugore Ariko Witonda Atarincinzi Kabone Nubwoyaba Yarabyaye 3 Namwemera Yitonda Ahaaa!!! Fata 0780977367

Akimana Ange - December 2019

Njye ndi nkawe nasenga Kandi murumuna wanjye nkamuteza umuryango waho mvuka

Ndaribitse - December 2019

Nawe uze nkwitwarire aho kugira ngo usare

Izindi nkuru

Inkuru zikunzwe