Yashyizweho kuri11 November, 2016 | 13:22

Mugore nawe mukobwa wikomeza kwibeshya ku nzarati

Inzaratsi ni iturufu baruryi(ABAPFUMU) bakunze kwifashisha mu kurya ingo n’inkundo za bankomwa hato ugasanga umugore arashutswe ngo tanga ibi umutima w’umugabo wawe tuwukugabize ajye atekereza wowe gusa. Nyamara hari ibintu byoroshye wakorera umgabo wawe cyangwa umukunzi wawe ukitwa umubitsi w’umunezero we. Muhabura.rw twabashakiye muri byo 9 by’ingenzi.

1.BANZA WEMERERE UMUGABO WAWE KO ARI UW’AGACIRO KURI WOWE.

Burya umugabo uzabona abyuka ijoro ajya guhaha cyangwa kurinda umutekano w’urugo,wibaze ko wenda biza gutyo gusa! Oya! Ahubwo buriya umugabo aremanye ubudahangarwa muri we kandi yumva ari nako yagaragara mu muryango,wowe rero nkumugore we gerageza umwereke ko ubizi, kandi ko ntawundi nkawe.

2. MUGORE SHIMIRA UMUGABO WAWE.

Ntabwo ari ngombwa ko umugabo wawe azamuKA impinge cyangwa ngo akugenere ibya Mirenge wo ku Ntenyo ngo akunde abone ishimwe. Kandi singombwa ishimwe riboneshwa amaso ku mugabo.ahubwo mugore gerageza kweraka umugabo wawe ko icyuya cye ukibona mu ishimwe ryaba rito cyangwa rinini,kuko burya umugabo ntajya yifuza ibyo atakoreye ariko nanone icyo akoze niyo cyaba gito mu bushobozi afite yumva yagishimirwa.mugore rero gerageza gushimira umugabo wawe.

3.MUHE URUKUNDO N’UMUNEZERO.

Nubwo abagore bakunze kwibeshya ko urukundo rw’umugabo ruboneka mu minsi ye yambere bakimenyana,burya baba bishuka kuko umugabo ahorana urukundo ahubwo uko ishingano ze zigenda ziyongera niko agenda agira guhuga kuburyo arushaho gukenera kwitabwaho no gukundwa.kuburyo iyo abibonye arushaho kumva ko ishingano zitaruta umukunzi we. Wowe rero nkumugore icyo usabwa ni uguhoza umugabo wawe mu ntekerezo umuha urukundo kandi ugerageza no kumwitaho,kuko bimugarura mu rukundo bikanamwibagiza uburure bw’umunaniro.

4. MUGORE EREKA UMUGABO WAWE ICYUBAHIRO.

Burya umugabo ni ikiremwa kiremanye kamer y’igitinyiro n’icyubahiro.umugore rero burya ishingano ze ni ukurinda icyubahiro n’igitinyiro by’umugabo we,umugabo nawe akamenya gutetesha umugore we ko ari inshingano ze.mugore rero numenya icyubahiro cy’umugabo wawe ukakimurindira ntuzatangazwe no kukugira umurinzi w’umunezero we.

5.MUGORE TEGURIRA UMAGABO WAWE IFUNGURO.

Umugabo akunda ifunguro riteguye neza,iyo agukunda rero yumva yanafungura ibyateguwe nawe.nawe rero nk’umugore zirikana ako kantu ukagire ibanga ryawe.

6.MUBERE UMUFANA UKOMEYE.

Umugabo burya akunze kugera ku musaruro uwariwo wose yiyushye akuya,mugore rero wowe icyo usabwa cyonyine ni ukumwereka ko icyuya cye ukibona,mufane ku musaruro we muke cyangwa mwishi uturutse kubushobozi afite mwereke ko yakoze,ba umuterankunga we wambere.

7.MUGORE TANDUKANA NO NKWISHYIRA IMBERE.

Nikoko ibyiza biraryoha ariko burya umugabo ntaremanye kamere yo kwikunda bityo rero nawe ntiyifuza kukubona muri iyo ndorerwamo,ahubwo ibanga icishe bugufi azakwizamurira numwereka ko ariwe ushyize imbere.

8. MUGORE BA UMUNYAKURI.

Ni koko ukuri guca mu ziko ntigushye uwo ni umugani,nyamara umugabo nawe burya ntakunda umuntu umubeshya,mugore rero ukuri ni iturufu ikomeye yagufasha kwigarurira umunezero n’amarangamutima by’umugabo wawe.

9. HITAMO UBURYO BWIZA BWO KUVUGISHA UMUGABO WAWE.

Umugabo wawe gerageza kumurinda imvugo mbi,nk’ibitutsi,incyuro n’ibindi. Nibyo nta zibana zidakomanya amahembe. Ariko niba habayeho gusubiranamo n’umugabo wawe irinde imvugo zeruye nk’ibitutsi,incyuro no kumwibutsa intege nke ze kuko kamere ya kigabo ibi byose ibizira kubi.

Ngayo nguko abafite amaso ntibabwirizwa kureba abafite amatwi ni mwumve ibi tubikesha urubuga Rolling ston.

Yanditswe na J.de Dieu Ntakirutimana/Muhabura.rw


Tanga igitecyerezo

Amazina
Ubutumwa

1 Comment

akice - 3 months ago

ntacyo mudakora kugirango mutange ubufasha pe Gusa natwe dukore ibidukwiye pe duhindure ISi aho kugira ngo iduhindure

Izindi nkuru

Inkuru zikunzwe