Yashyizweho kuri17 November, 2016 | 07:17

Menya impamvu abagore bakunda abagabo cyangwa abasore bakuze

Bamwe mu bagore usanga bashimishwa no kwikundira abasore bakuze cyangwa abagabo aho gukunda abasore bari mu kigero kimwe. Aba bagabo ngo baba bafite umwihariko abasore bakiri bato benshi badakunze kuba bafite nk’uko bitangazwa na elcrema.

Bazi gufata abagore neza kuruta abakiri bato

Imwe mu mpamvu ituma abagabo bakuze bakundwa n’abagore kuruta abakiri bato, ngo ni uko bamenya kwita ku bagore cyane kurusha abakiri bato. Kubera kumara igihe kinini ngo baba barahuye n’abakobwa benshi igihe cyo gufata umwanzuro rero ngo uwo ahisemo amwitaho.

Bemera umugore uko ari

Mu gihe abagabo bakiri bato akenshi bashimishwa n’umugore usa neza cyangwa ufite uburanga burangarirwa n’abandi, ngo si ko biri ku bagabo bakuze kuko bo ngo bita ku kiri mu mugore kandi ngo bazi kwihanganira intege nke ze.

Abagore bakunda abagabo bifite

Abagore benshi bakunda abagabo bafite amikoro usanga akenshi kandi aba bagabo baba baramaze kugira imitungo yabo mu gihe abagabo bakiri bato akenshi aribwo baba batangiye kuyishaka batarafatisha ubuzima.
Akenshi baba bakuze mu bitekerezo

Abagore ngo babangamirwa no kubana n’umugabo udafite ibitekerezo bireba kure nyamara ngo usanga akenshi abagabo bakuze baba berekeje ibitekerezo byabo ku mishinga y’ejo hazaza ngo bigatuma benshi mu bagore bishimira kuba bakunda bene aba bagabo.

Abagabo bakuze ntibajya bapfusha igihe cyabo ubusa

Kuba aba bagabo batajya bagira ubwoba bwo kuvuga ikibarimo ngo bitandukanye n’abasore bakiri bato kuko ngo niba ashaka ko mukundana nk’inshuti zisanzwe arabikubwira cyangwa akakubwira niba ashaka ko mwazabana mu gihe ngo abasore bakiri bato usanga hari ubwo bahuzagurika mu gufata ibyemezo.

Ntabwo baba bakita ku byahise

Mu gihe abasore bakiri bato usanga hari aho baba bagitekereza ku bakobwa bahuye mbere ngo abasore bakuze ntago uyu mwanya bawugira kuko ngo ibitekerezo byabo biba byararenze kuri iyi mitekerereze ahubwo ngo bashimishwa n’abo bari kumwe kandi bagashishikazwa no kubitaho.
Abagabo bakuze ntibajya bapfusha igihe cyabo ubusa photo internet

Yanditswe na Niyomugabo/Muhabura.rw


Tanga igitecyerezo

Amazina
Ubutumwa

Izindi nkuru