Yashyizweho kuri15 December, 2016 | 11:48

Ibintu 7 byakwereka ko umugabo wawe adashobora kureka kugukunda nubwo byagenda bite

Gukunda si ibintu byoroshye. Mugore cyangwa mukobwa niba ushaka kugira urukundo ruzahoraho ibihe byose ku buryo uzajya urwishimira ugomba gushaka umugabo ugukunda kandi ushobora kuguha urukundo rwe rwose yivuye inyuma.

Ese uwo mugabo wamubwirwa niki?

Dore ibintu 7 by’ingenzi byakwereka umugabo ugukunda mu buryo bwose bushoboka, nubwo byagenda bite adashobora kukureka:

Biramuhangayikisha mu kumenya uburyo umeze

Umugabo uba ashaka ko mushobora kumarana igihe kirekire mu kundana; cyangwa mushobora gukundana ubuziraherezo uzamubwirwa nuko muri we aba ahangayikishijwe no kumenya uko wumva umeze.

Iyo abonye ikintu kuri wowe kidagenda neza cyangwa se akabona ko utishimye arakwegera akakuaza impamvu ituma utishimye. Akakubaza ati, “mukundwa cyangwa se mukunzi wabayiki ko utishimye? Ni iki kitagenda neza? Umeze ute?”

Akimara kubikubaza asigara ashaka uburyo bwose bushoboka bwo kuba yakemura ikibazo kikava mu nzira mu buryo bwihuse.


Yirinda ibintu byose bishobora kuba byagutera ikibazo mu buzima bwawe

Ikindi kintu cya kabiri kizakwereka umugabo udashobora kureka kugukunda nubwo byagenda bite; yitondera ikintu cyari cyo cyose gishobora kugutera ikibazo kigatuma utishima mu buzima bwawe.

Kuba azirikana ibintu uba wamubwiye ko udakunda, yatrangiza akabyubahiriza ntabirengeho akabiha agaciro kabone nubwo kaba ari akantu gato cyane, bizakubere ikimenyetso cyuko agukunda ubuziraherezo cyangwa akwitayeho.

Igihe cyose ahora agutekereza

Umugabo ushobora kuzahora agukunda igihe cyose ahora agutekereza mu buzima bwe. Kandi agafata umwanya umwanya munini muri we atekereza ku rukundo rwanyu.

Yishimira kuba yahora akuratira abandi bagabo ko afite umugore mwiza umunyura kandi umushimisha muri byose kabone nubwo waba umubabaza ntacyo biba bimubwiye arabyirengagiza akabirengaho.

Ikindi kandi nuko igihe kirekire gishoboka azahora yishimira kuba yajya ahora akuvugisha ashaka kumenya niba umeze neza cyangwa utameze neza.

Ibyishimo byawe nibyo byiwe

Umugabo kandi ugukunda uzamubwirwa nuko igihe cyose ibyishimo byawe bizamubera umunezero kuri we, nawe akumva yishimye. Iyo ufite ikibazo kigukomereye nawe kimubera umutwaro ukomeye mu buzima bwe.

Ahora azirikana ibyishimo byawe nkukonawe aba ashaka guhora akubona wishimye, nta kantu k’umunkanyari kari mu maso yawe. Umunezero wawe, ibyishimo byawe byose bihinduka umunezero kuri we netse bikanahindukaibyishimo kuri we.

Yishimira kuba agukunda wenyine

Ikizakubwira umugabo udashobora kukureka mu buzima bwe nuko azishimira kandi agaharanira kuba yahora agukunda wenyine nta wundi mugore cyangwa umukobwa atekereza muri we.

Azakubera inyangamugayo muri byose kandi ahore yumva yanakwitangira no mu bibazo byose ushobora guhura nabyo. Kuba yatekereza undi mugore cyangwa umukobwa bizamubera ihurizo kuri we, ndetse rimwe na rimwe ubone byanamutesheje umutwe.

Umugabo udashobora kureka kugukunda mu buzima bwe uzamubwirwa nuko nta mutima urehareha umurangwaho kandi uba yumva mwakomeza mukikundanira ubuziraherezo.

Amakosa yawe ntacyo aba amubwiye

Umugabo uzahora agukunda uzamubwirwa nuko agomba guhora azi neza kandi azirikana muri we ko utari intungane muri byose, ndetse wanakora amakosa ntayiteho ukabona rimwe na rimwe yanakubabariye nta n’imbabazi wamusanye.

Ikindi kandi nuko no mu gihe wamenye ko wakosheje ukamusaba imbabazi ntazatinda kuziguha kuko azi neza ko nta muntu udakosa kandi nta n’uhora atunganye.

Iki kizakubere ikimenyetso kidasibangana cyuko atazigera aguhemukira mu buizima bwanyu cyangwa mu rukundo rwanyu.

Igihe cyose aba akuri hafi aguhoza amarira

Ikizakubwira umugabo ushobora kugukunda ubuziraherezo nuko igihe cyose abona ko utishimye, ubabaye azishimira kugusanganira akaguhoza amarira. Akakubwira ati, “mukundwa wirira ndi kumwe nawe.”

Igihe cyari cyo cyose azishimira guhora akubahafi kandi aharanira ko wishima mu buzima bwawe; ndetse uzanamubwira nuko uzabona aharanira umunezero n’ibyishimo byanyu.

Yanditswe na Bizimana Jean Damascene/Muhabura.rw


Tanga igitecyerezo

Amazina
Ubutumwa

3 Comments

Mbabazi Gentille - 3 January

Abagabo nkabo ntibakiboneka rwose kuk abantu barahindutse mukunda uyumunsi ejo ukabona ntakikwishimira naho yatangiye gutereta undi abagabo nabasore mubagire inama kk badutera umutima mubi

UWIMANA VINCENT - December 2016

IBYO BIMENYETSO MUTANZE NI UKURI MBESE UMUGORE UFITE UMUGABO UTAMWIYUMVAMO NIKI YAKORERA UWO MUGABO? .

UWIMANA VINCENT - December 2016

IBYO BIMENYETSO MUTANZE NI UKURI MBESE UMUGORE UFITE UMUGABO UTAMWIYUMVAMO NIKI YAKORERA UWO MUGABO? .

Izindi nkuru

Inkuru zikunzwe