Yashyizweho kuri24 November, 2016 | 16:59

Ese kuki bamwe bakundanana bakarambana, abandi bagakundana Urudashoboka?

Abahanga mu by’imibanire y’abantu ndetse n’impuguke muby’ubuzima bahamya ko bitoroshye kubona igisobanuro nyacyo cy’iri jambo “Urukundo” gusa bitewe n’ahantu cyangwa igihe runaka umuntu ageze mo hagenda habaho ibisobanuro binyuranye by’Urukundo, ahanini usanga n’imico itandukanye y’ahantu bigira icyo bihindura ku gusobanura icyo Urukundo aricyo ndetse hakamenyekana n’impamvu bamwe bakundana bakarambana abandi nabo bagakundana urudashoboka cyangwa ntibarambane.

Bibiliya yo Isobanura urukundo mu buryo butandukanye gusa hari igisobanuro kirimo gikomeye aho bagera bakavuga bati “Imana ni urukundo” ahandi usanga hari abemera ko mu mateko y’Imana irivuga ngo Mukundane ni ryo risumba ayandi mategeko kuko bavuga ko uramutse wakunze mugenzi wawe utatekereza ku mugirira nabi n’ibindi byinshi ugasanga rero ariho bahera bemeza ko Urukundo ari itegeko risumba ayandi imbere y’Imana.

Ubusanzwe mu buzima tubano hano ku Isi umunsi ku munsi cyane twinjiye mu Isi y’Urukundo kuko nicyo Nyamukuru kuri ubu turiho usanga Abantu bakundana aha tuvuze cyane ku rukundo ruba hagati y’umukobwa n’umuhungu ruganisha kukuba babana bagakora umuryango ndetse bakabyara bakororoka nk’uko Imana yabigennye, bijya bibaho rero ko umuhungu akundana n’umukobwa bakagera no ku rwego rwo kubana gusa hari n’abakundana kubw’impamvu runaka urwabo ntirurambe gusa umugani w’abantu ndetse n’uburyo Imana yaremye isanzure burya ngo nta nkweto ijya ibura iyayo amaherezo buri wese agera aho akabona uwo bahuza.
Kuri uyu munsi wa none ho usanga byarahindutse aho umuntu asigaye akunda mugenzi we kubera impamvu runaka, nk’amafaranga cyangwa izindi nyungu runaka aba amukurikiyeho ninayo mpamvu usigaye ubona bamwe bakundana urukundo ntirumare kabiri cyangwa ngo rurambe.

Ku rundi ruhande ariko hari ikintu gikunze kubaho hano mu Rwanda by’umwihariko bitewe n’amateka yaranze igihugu cyacu aho usanga imiryango yaratatanye kuburyo hari nk’ubwo ushobora kumara imyaka myinshi warabuze umuvandimwe cyangwa abavandimwe bawe urugero nk’aba babuze mu gihe cya Jenoside yakorewe Abatutsi noneho nyuma mukazahurira nk’ahantu utazi neza ko ari n’umuvandimwe wawe nyuma ukaba wanashiduka mwakundanye kandi wenda ari n’umuvandimwe wawe
Kuri iki tuvuze haruguru bikunze kubaho ahenshi Atari no mu Rwanda usibye ko twe mu Rwanda tugira imvugo tubishyiramo ngo ni ugukunda urudashoboka iyo wakundanye n’umuntu utazi ko ari umuvandimwe wawe nyuma bikazaba ngombwa ko wisanga ari umuvandimwe wawe cyane aha bimenyekana iyo mugeze muri cya gihe cyo kubana kuko aha bisaba ko imiryango yanyu yose uko yakabaye ibasha kugaragara hanyuma rero mukanamenyana kuburyo bwimbitse.

Ibyo byose rero biratuganisha ku nkuru y’ibyabayeho aho umukobwa Marine yakundanye na Jack bakagera ku munota wa nyuma umwe akamenya ko undi ari musaza w’undi n’undi ari mushiki w’undi bisanga mu rukundo rudashoboka
Ni inkuru ndende muzagezwaho mu bice bitandukanye ikazaba ikubiyemo ubutumwa bushobora kugira byinshi buhindura mu muryango Nyarwanda.

Tukurarikiye kutazacikwa iyi nkuru ndende URUDASHOBOKA.

Yanditswe na Ubwanditsi/MUHABURA.rw


Tanga igitecyerezo

Amazina
Ubutumwa

7 Comments

Iradukunda - 3 months ago

nuko hari bamwe baba batarahuje ingeso umwe
yarananiwe kwihanganira undi bituma
batndukana.

Emmy - 3 months ago

Dutegereje Ep one gira vuba

Fiston - 3 months ago

hhhhhhhhhhhh nizereko Atari ngewe kuko sinixe Iburasirazuba

Justin - 3 months ago

Ko udutindira se.?? dutegereje n’amatsiko menshi

Justin - 3 months ago

Ko udutindira se.?? dutegereje n’amatsiko menshi

Justin - 3 months ago

Ko udutindira se.?? dutegereje n’amatsiko menshi

Yves - 3 months ago

turahabaye kbsan

Izindi nkuru

Inkuru zikunzwe