Yashyizweho kuri14 November, 2016 | 07:11

Dore Ibanga wakoresha kugira ngo ushimishe umukunzi wawe

Buri mugabo ibyo akenera kugira ngo yishime bitandukanye cyane n’ibyo undi mugabo runaka ashobora gukenera. Umugabo aba akeneye gushimishwa n’umukunzi we mu buryo bwinshi butandukanye utitaye ku myaka ye, ubwoko bwe, urwego abarirwamo cyangwa imbamutima.

Mugore cyangwa mukobwa dore ibanga riri mu bintu bitanu by’ingenzi wakorera umukunzi wawe bikamunyura umutima ibihe byose, mwaba muri kumwe cyangwa mutari kumwe.

Dore ibyo bintu 5 wakora ukamera nk’umutwaye umutima:

1. Kumuha icyubahiro:

Icyubahiro ni kimwe mu ntwaro z’urukundo umuntu ashobora gutsindisha uwo bari kumwe akamwiyegurira ubuziraherezo.

Umugabo wese aba ateze icyubahiro ku mugore we, nubwo waba utamukunda akeneye ko wamwubaha ukamuha icyubahiro cye ibihe byose.

Icyubahiro ugabo aba agukeneyeho nuko wamuha agaciro ndetse ako gaciro umuhaye ukamenya ko hari icyo kavuze. Numukorera bino uzaba umwiyeguriye bihoraho.

2. Kumushimira ku byo agukorera

Ugushimirwa ni irindi reme ry’urukundo kandi umugabo wese aba akeneye mu rukundo rwanyu.

Abagabo bakunda gushimirwa kuko biranakwiye, ari nawe ntiwakishimira ko wakora akazi udashimwa wageraho ukakareka ugashaka uburyo wabona akandi kakunyuze kandi kagushimisha.

Gushimira umukunzi wawe ntako bisa kuko bimwereka ko ibyo agukorera nawe bigushimisha ataba ameze nk’umuntu ucurangira abahetsi.
Azakomeza agukunde mu gihe uzajya unyurwa n’urukundo aguha ubundi ukamushimira.

3. Kumuhora hafi

Birazwi cyane ko abagabo benshi baba bashaka gukora imibonano mpuzabitsina cyane kurusha ibindi, ariko ngo ibyo sibyo by’ingenzi byatuma yishima cyane.

Ahubwo aba akeneye ko wamuhora iruhande umwitahomuu buryo butandukanye kuko ngo bimugusha neza kurusha uko yakarinze kubikwibwirira.

Buri mugabo akunda ko umukunzi we yamuba hafi amukorakora ahantu hose hashoboka kuko biramunezeza cyane bigatuma yumva ameze nk’aho ari mu ijuru rya kabiri. Ibi nubikora uzaba umwigaruriye bihoraho.

4. Kutamuhemukira

Ubudahemuka ni ikintu cy’ingenzi mu rukundo kuko ngo umutima mwiza ari udahemuka kandi uwiteka ngo aranawishimira.

Umukunzi wawe ntiyifuza ko waba umuhemu kuri we ubundi warangiza ntubimubwire, dore ibanga wakoresha nuko udashobora kumuca inyuma ngo uryamane n’undi mugabo atari we.

Urukundo rutagira ubuhemu n’umutima w’uburyarya ruba ari urrukundo rukomeye cyane, ntirushobora gusenyuka nubwo habaho irengayobora.

5. Kutiyitaho ngo wibagirwe umukunzi wawe

Abagabo benshi bakunze gushimishwa n’utuntu tudafatika, niyo mpamvu gushimish umugabo atari ibintu bigoranye cyane.

Ikintu gikurura umugabo ntabwo kigoranye kandi iyo uharaniye kwishimisha we ukamwihorera ntabwo bimushimisha habe na gato.

Haranira kuba ibyishimo by’umukunzi wawe, kuko nawe azagerageza uko ashoboye byose abe uwo gushimisha umukunzi wawe.

Ayo yari amabanga atanu wamenera umukunzi wawe akishima cyane, akava mu bye akagukunda ubuziraherezo, ubundi mukibanira akaramata mu buzima bwanyu bwose.

Yanditswe na Bizimana Jean Damascene/Muhabura.rw


Tanga igitecyerezo

Amazina
Ubutumwa

2 Comments

Hakizimana evariste - November 2016

Ni byiza kabisa

T.BB - November 2016

urukundo ruraha kabisa, ibanga ryaravumbuwe.

Izindi nkuru

Inkuru zikunzwe