Yashyizweho kuri8 November, 2016 | 06:21

Amakosa 9 Wakirinda Gukorera Umukunzi Wawe

Urukundo ni ikintu gikomeye cyane hagati y’abakundana. Iyo utagize ukora ngo urukundo rwanyu rukomeze gukomera ntirushobora gukomera habe na mba. Ariko ushobora gutuma rukomera mu gihe wabashije kwirinda amwe mu makosa akunda gukorwa mu rukundo.

Aya ni amakosa 9 akomeye cyane ushobora kwirinda mu rukundo:

1. Kudaha agaciro urukundo

Buri wese akunda agaciro mu buzima busanzwe, noneho iyo ari umuntu ukunda ukamuha agaciro biramushimisha cyane, biba ntako bisa kuri we.

Kudaha agaciro umukunzi wawe bishobora gutuama umubano n’urukundo ufitanye n’umukunzi wawe bicyendera, ugashiduka nta rukundo rukiri muri mwe.

Guha agaciro uwo mukundana bimwereka ko umwitayeho kandi nawe bikamwongerera kugukunda cyane. Wikihugisha cyane nta kintu kiguhugije ngo uburire umwanya umukunzi wawe.

2. Gufata imyanzuro uhubutse

Iri ni irindi kosa rikomeye cyane mu rukundo hagati y’abakundana rikunze gutuma habaho intongana n’imirano itarangira mu ngo.

Gufata imyanzuro uhubutse ntago ari byiza kuko bituma urukundo rwanyu rudashobora kuramba. Ikiza cyatuma urukundo rwanyu rubasha gutera imbere nuko mwajya mufatira hamwe umwanzuro.

Ibi byatuma hahoraho ibiganiro mpaka hagati yanyu, bigatuma hahora impaka za ngo turwane za buri gihe mu rugo.

3. Indwano zitari ngomwa

Kumenya gucunga umujinya wawe nti iby’agaciro. Ni ibintu bitangaje kumva ko imirwan yabura hagati y’abakundana cyangwa se abarushinze.

Abakundana bo bakunze kurwana nta n’ikintu kigaragara bapfuye, akenshi ari ubusa bapfuye. Ntago ari byiza rero ko mu ngo hahora mo imirwano kuko ntago ari myiza ishobora gutuma uwo mwashakanye mutandukana kuko ntakwihanganira umujinya wawe utabasha kugenzura.

4. Kwihagararaho uri mu makosa

Twese dufite uburyo twihagararaho mu bintu bitandukanye, ariko kwihagararaho mu gihe uri mu makosa ntabwo ari byiza kuko akenshi bikunze gutuma habaho ugutandukanye kw’abashakanye cyangwa kw’abakundana.
Kwihagararaho akenshi bikunze guterwa n’umujinya, urwango, kwikunda, nibindi bitandukanye. Genzura umujinya wawe ndetse n’amakosa yawe kuko bishobora kugukururira gushwana n’umukunzi wawe mu buryo butari buteganyijwe.

5. Kutanyurwa n’urukundo

Urukundo rugira byinshi akenshi ushobora no kurugira imbamutima yawe. Iyo utanyuzwe n’urukundo rw’umukunzi wawe n’umukunzi wawe nawe ntago aba akunyuze.

Kutanyurwa n’urukundo aguha akensi biramubabaza cyane kuko ntago aba yiyumvisha uburyo mwakomeza gukundana utanyuzwe n’urukundo agukunda. Ibi bituma habaho ugutandukana kw’abakundana kuko baba batishimiranye.

6. Kugerageza kwiharira ubuyobizi

Mu rukundo iki ni ikintu kibi cyane kugerageza kwiharira ubuyobozi mu rugo, gushaka kwereka umukunzi wawe ko umurusha uruhare runini kuri wowe, kurusha uko mwafatanya ngo mujye mwumvikana muri byose bituma urukundo rwanyu rugenda ruzamo ibitotsi.

Ni byiza guhuza n’umukunzi wawe kuko birushaho gukomeza urukundo rwanyu. Kumvikana ni intwaro ikomeye cyane mu rukundo rwanyu, kuko niyo yonyine yagira aho ibavana n’aho ibageza.

7. Kutanyurwa

Gushima ibyo umukunzi wawe agukorera ni ikintu cy’ibanze mu rukundo kuko bituma urukundo rwanyu rugira aho rugera. Iyo umukunzi wawe ugerageje kumuha umwanya ndetse ugaha n’agaciro ibyo akubwiye bituma nawe abasha kwishimira umubano wanyu.

Urkundo ni ikintu gikomeye cyane hagti y’abakundana. Bityo biba byiza iyo nibura unyuzwe n’urukundo aguha kandi ukagerageza kumwereka ko byagushimishije kandi ukabimubwira ko byaguhimishije kuko nawe bituma agerageza kwigirira icyizere cy’ibyo agukorera.

Ha agaciro umukunzi wawe ndetse ugahe n’urukundo aguhakuko bizatuma mubasha kugira aho mugera mu iterambere ry’urukundo rwanyu.

8. Guca inyuma uwo mwashakanye

Ni kenshi wumva ibi, ngo abashakanye cyangwa abakundana bacanye inyuma. Ibi rero ntabwo ari byiza mu rukundo habe na gato kuko bituma ugira iraha cyangwa ubuhehesi buhoraho.

Uretse ibyo kandi nta nubwo uwo mwarushinganye abyemera; kuko akenshibishobora guhita bimutera kumva ko we nta gaciro cyangwa urukundo umufitiye, agahera aho yishakira ubundi buryo yakibonera uwamwishimira.

Kumuca inyuma bituma abona ko ntacyo avuze imbere yawe bityo bigatuma akubonamo umwanzi we, ari nabyo akenshi bibyara ugutandukana kwa hato na hato.

9. Kutumva umukunzi wawe

Umbano ni ikintu cyiza cyane hagati y’abakundana, kandi biba ari umunezero udasanzwe iyo uri kereka ko uwo mukundana umwumva kuko bituma abona ko uwitayeho.

Kumva ibitekerezo by’uwo mwashakanye bituma abasha kubona ko muri gutahiriza uugozi umwe, bityo bizatuma abasha kwirekura mu bitekerezo agerageze akubwire icyatuma urukundo rwanyu runabasha gutera imbere ndetse n’iterambere ryo mu buzima busanzwe.

Mugore cyangwa mugabo, musore na we mukobwa ayo ni amwe mu makossa uzagerageza kwirinda gukora mu gihe ushaka ko urukudo rwanyu rutera imbere mukibanira akaramata n’ubuzira herezo.

Yanditswe na Bizimana Jean Damascene/Muhabura.rw


Tanga igitecyerezo

Amazina
Ubutumwa

Izindi nkuru