Yashyizweho kuri11 June, 2019 | 22:14

Yakubise uwari umugore we mu buryo bubabaje arangije amufungirana mu nzu urufunguzo arushyira umugabo we

Polisi yo mu gihugu cya Kenya irashakisha uruhindu umugabo wakubise uwahoze ari umugore we kugeza hafi ku rupfu maze yarangiza akamufungirana mu nzu ubwo agashyira umugabo we babana irufunguruzo.

Uwo mugabo witwa Kelvin Kalela Munguti bivugwa ko amaze gukubita uwo mugore w’imyaka 20 inshuro nyinshi zitabarika aho yamukomerekeje ku mutwe ndetse no ku nda.

Rose Mei yabwiye NairobiNews ducyesha iyi nkuru ko atari ubwa mbere akubiswe n’uyu mugabo wahoze ari uwe.

Ati“Yarankubitaga nkajya kwa muganga,ari kuri iyi nshuro yankubise bikabije".

Yavuze kandi ko yamukubise adatoranya aho akubita kuko ntiyatinye kumukubita akamuvuna ikiganza,amukomeretsa bikomeye ku nda,amukuraho akaguru anamukubita ku munwa ndetse n’izuru.

Nk’uko Rose akomeza abivuga ngo bijya kuba yari yicaye mu rugo ubwo uwo mugabo araza ahita atangira kumukubita bikomeye mbere yo kumufungirana mu nzu ahita ajyana urufunguzo.

Ubwo Kelvin yahise ajya kureba umugabo w’uwo mugore amuha urufunguzo aranamubwira ngo najye gufata umurambo mu nzu ye.Umugabo yaraje ahita ajyana Rose kwa mu muganga by’igitaraganya.

Aba bombi bari bamaranye imyaka ibiri bashakanye banafitanye umwana umwe.Rose avuga ko umutekano mucye aterwa na Kelvin ugamije kumusenyera.

Yavuze ko mbere bakibana yamubangamiraga aho yakoraga nk’umuseriveri akamutegeka ko atagomba kuvugana cyangwa ngo ahe serivise umuntu w’igitsina gabo.

Iki kibazo cyahise kigezwa kuri polisi,magingo aya Kelvin arimo gushakishwa hasi hejuru ngo aboneke aryozwe ubu bugome.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


1 Comment

- 2 months ago

ndi burundi ubucamanza burakwiye guhana abagabo na canecane abahohotera abagore nabane

Izindi nkuru