Yashyizweho kuri13 June, 2019 | 21:28

Uwiyita umuhanuzi yavumbuweho abana b’abakobwa 18 yari yaragize abagore be,bamwe muri bo babyaranye nawe

Abakobwa bagera kuri 18 bafite imyaka hagati ya 11 na 16 y’amavuko batabawe n’ubuyobozi bakurwa k’uwiyita umuhanuzi witwa Harrison Chatepa wari ubatunze nk’abagore be kuburyo bamwe muri bo bafitanye n’abana.

Aba bakobwa batabawe aho bari barajyanwe mu giturage cya Donda ahitwa Mukwangwala mu mujyi wa Ntcheu uherereye rwa gati mu gihugu cya Malawi nk’uko polisi yo muri aka gace yabyemeje.

Amakuru avuga ko abakobwa 10 muri abo 18 bafite abana babyaranye n’uwo muhanuzi.

Iri tsinda ry’aba bakobwa ryabanaga nawe mu cyaro mu nzu y’amasengesho y’itorero rye ryitwa "ijwi ry’umwe uhamagara."

Uyu nuhanuzi witwa Harrison Chatepa ashinjwa gushimuta abakobwa abakuye mu turere dutandukanye tumwe muri two harimo;Thyolo, Mwanza, Neno, Balaka na Blantyre.

Nk’uko iyi nkuru ducyesha Kulinji ikomeza abyemeza ngo Chatepa abakirisitu b’itorero rye bamwitaga "papa umwe".

Umuyobozi w’ishyirahamwe ry’urubyiruko no gutanga inama (Yoneco),McBain Mkandawire,yavuze ko kugira ngo avumbure amarorerwa y’uyu muhanuzi ari uko abo bana bahamagaye nimero y’ubufasha ya minisiteri y’umuryango,ifite mu nshingano abana,abafite ubumuga ndetse n’imibereho myiza.

Mkandawire ati“Twamenye ko hari umuhanuzi watwaye abana.Ubwo tubikurikiranye dusanga koko aribyo ndetse ko bamwe bahabyariye".

Yavuze ko abo bana bari baramaze guhindurwa intekerezo aho batekereza ko ibyo uwo muhanuzi ari gukora yabitegetswe n’Imana.

Akomeza agira ati“Twasanze abo bana bakoresha ibikoresho bitandukanye mu gihe cyo kuryama".

Yanavuze kandi ko Chatepa ngo akimara kumva ko agiye gutabwa muri yombi yahise aburirwa irengero.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru