Yashyizweho kuri23 February, 2018 | 15:04

Umuvundo w’imodoka wamaze iminsi 3 nta modoka yinyagambura hitabazwa izindi mbaraga (REBA AMAFOTO)

Mu gihugu cy’Ubushinwa muri iki cyumweru Tariki 19 Gashyantare imodoka zirenga ibihumbi 10 zabuze uko zigenda mu muhanda kubera ubwinshi bwazo bituma zimara mumuhanda iminsi ibiri harinda kwitabazwa ubwato kugira ngo abagenzi bagera ku bihumbi 50 babashe kuva ku kirwa cya Hainan kuko inzira y’umuhanda yari yananiranye kubera ubwinshi bw’izo modoka(Traffic Jam).

Nkuko bitangazwa n’ikigo cy’itangazamakuru mu bushinwa cyitwa Sina,ngo imodoka zari zitonze umurongo ungana n’ibirometero 10 uvuye aho zihera kugeza aho zirangirira.Ubwo bwinshi bwazo bwatewe n’igihu cyari cyabuditse ku ruzi rwa Qiongzhou muri Haikou.

Ibi byabaye ubwo bizihizaga umunsi w’imboneko z’ukwezi bita Lunar New Year aho bari batanze ikiruhuko mu gihugu hose,bityo abantu bose bagiye kwizihiriza uwo munsi mu gace ka Hainan gakunzwe cyane kugira ngo barebe uko izuba rimurika dore ko aha izuba kuribona biba bigoye.

Muri icyo gihe cy’iminsi irindwi bamazeyo,abantu bagera kuri miliyoni eshanu baheze muri ako gace gafite ubunini nkubw’igihugu cy’Ububirigi.Ariko bagize ngo batahe bisanze baheze muri icyo kirwa bitewe n’ igihu cyabuditse usibye ubwato nibwo bwashoboraga kunyuramo.

Imodoka nyinshi zari zaheze inyuma y’icyambu cya Xiuying, Xinhai ndetse n’icyambu cya Nangang kuva ni mugoroba saa kumi nebyiri tariki 19 kuburyo mu ijoro imodoka zigera ku bihumbi 10 zari zimaze kuhahera.
Icyavuye muri uwo muvundo nuko igiciro cyo kuva aho muri Hainan kugera mu yindi migi ikomeye yo m’Ubushinwa kikubye inshuro 20 nkuko Sina ibitangaza.

Bivugwa ko hanyuma bahise batangiza igikorwa cyo gutwara abantu mu bwato mu gitondo cyo kuri 20,amato 30 yacaga muri uwo mugezi wa Qiongzhou bwatwaraga imodoka ibihumbi 7 mu masaha ane n’igice.Ubutegetsi bw’igihugu kuri tariki 20 Gashyantare, bwavuze ko biri butware andi masaha 24 kugira ngo uwo murongo w’imodoka ushireho.

Nkuko byatangajwe na Xinhua News Agency saa kumi za ni mugoroba kuri 21 Gashyantare yavuga ko hasigaye imodoka zirenga ibihumbi 10 zari zigitegereje kwambuka.Ngo umuvundo ukabije wabaye basoza umunsi w’ibiruhuko.

Ibi byaherukaga mu mwaka wa 2015 mu muhanda Beijing-Hong aho uburebure bwawo bwareshyaga n’ibirometero 50 icyo gihe abantu bahise bisubirira mu mugi wa Beijing.Ariko umuvundo w’imodoka wabaye mubi cyane ni uwo m’umwaka wa 2010 aho imodoka zari zitonze umurongo ungana n’ibirometero 60 bitwara iminsi 10 kugira ngo imodoka zishire mu muhanda Beijing-Tibet bitewe nuko barimo gukora umuhanda.

Byasabye guterura imodoka n’ibyuma bikaze bazishyira kurundi ruhande ngo barebe ko umubyigano wazo wagabanuka hanakoreshwa amato Hifashishijwe ibyuma bikaze mu guterura imodoka bazishyira kurundi ruhande ngo barebe ko umubyigano wagabanuka bitwara iminsi ibiri

Yanditswe na Habarurema Djamali


Tanga igitecyerezo

Amazina
Ubutumwa

1 Comment

Munezero Djibril - 27 February

Ahubwo kuko ikibazo cyaje kuburyo butiteguwe nihagombaga kubaho izamuka ryibiciro ridasazwe kumato

Izindi nkuru