Yashyizweho kuri31 July, 2019 | 16:30

Gikondo:Umusore yaryamanye n’indaya abura ubwishyu agwatiriza telefone ye

Umusore w’imyaka 32 y’amavuko wo mu Karere ka Kicukiro, yagwatirije telefone ye kugira ngo abashe kubona amafaranga yo kwishyura indaya bararanye mu gihe yari yafatiriye imyenda ye.

Amakuru avuga ko ku mugoroba wo kuri uyu wa Kabiri tariki 30 Nyakanga aribwo uyu musore yagwatirije iyi telefone ye yo mu bwoko bwa TECNO .

Abatuye ahazwi nka sodoma muri Gikondo biboneye iby’uyu musore bavuga ko yagwatirije telefone ye nyuma y’uko indaya bari basambanye yanze kumuha imyenda n’inkweto yari yambaye atabanje kuyishyura ibihumbi bitanu (5000 FRW) bari bumvikanye mbere yo gukora icyo gikorwa.

Nyuma y’uko uyu musore abonye ko iyo ndaya itangiye kumusohora mu nzu atambaye imyenda n’inkweto, byaramuyoboye ariko ngo ukena ufite itungo rikakugoboka ngo yanze guseba biba ngombwa ko agwatiriza telefone yari afite kugira ngo yishyure iyo ndaya.

Uwitwa Muhizi Yannick yagize ati “Biriwe banywera mu imurikagurisha noneho abura amafaranga ibihumbi bitanu byo kwishyura iyo ndaya, nibwo yahise ifatira imyenda n’inkweto ze kugira ngo agende abanje kumwishyura.”

Akomeza avuga ko nyuma uwo musore yahise ahamagara umukanishi w’inshuti ye aba ari we umwishyurira ayo mafaranga ariko na we asigarana telefone ye kuko bemeranyije ko azayimusubiza ari uko abanje kuyamwishyura.

Mu kwanga kugira byinshi atangaza,uyu mukobwa wicuruza yabwiye umunyamakuru ko yahisemo gufatira myenda na telefone y’uyu musore kugira ngo atamwambura amafaranga bari bumvikanye kuko ngo atari inshuro ya mbere bari baryamanye akagenda atamwishyuye.

Ibyago by’umusore ngo ntibyarangiye ahubwo nyuma yo kwigobotora iyo ndaya akayishyura,izindi ndaya zaramugose ngo zimukubite bitewe n’uko azwiho kuryamana nazo akagenda atazishyuye, maze arapfukama aratakamba azisaba imbazi ziramureka aragenda.

Niyomugabo Albert/MUHABURA.RW


Tanga igitecyerezo

Ibitekerezo


Tanga igitekerezo


1 Comment

mutabazi emmanuer - 3 months ago

uwomugabo yihangane ariko ahite afata umwanzuro wogucika kundaya burundu kuko arebyenabi agakomeza kuryamananazo zazaamwicaburundu

Izindi nkuru