Yashyizweho kuri11 July, 2017 | 10:38

Umusore yafashwe n’uruhereko nyuma yo gushikuza umugore isakoshi

Umusore uri mu kigero cy’imyaka 23 y’amavuko ukomoka Mu Murenge wa Nyamata, mu Karere ka Bugesera yafashwe n’uruhereko nyuma yo gushikuza umugore wigendera isakoshi irimo amafaranga n’ibindi byangombwa akayirukankana.

Uyu Musore akimara gushikuza umugore isakoshi ngo yahise yiruka yenekera abamwirutseho, akuramo amafaranga na Telefone arangije isakoshi arayita arigendera nyuma y’iminsi mike atangira gucika intege kugeza agiye kurebe uwo yayibye.

uwo musore avuga ko yashikuje ishakoshi umugore ariruka arayijyana, ngo akuramo amafaranga na telefone ibindi abita ahantu hameze nk’aho bamena imyanda.

Uyu mugore yasobanuye ko akimara kwibwa, yatashye abantu bamurangira umuntu wamufasha kubigaruza, ajya kumureba ariko atabyizeye.

Yagize ati “Njyewe umuntu yumvise ntatse arambwira ati ‘Wikwirirwa utaka hari umuntu ubikemura’. Aramundangira. Nabikoze ntazi ko bishoboka, ubu ni nawe (Umupfumu) wampamagaye mu gitondo amaze kuhagera (uwanyibye) arambwira ati ‘Wa muntu ko mbona yaje yicaye iruhande rwawe’.”

Yakomeje agira ati “Yaje nicaye hanze, mbona umuntu aje ansaba imbabazi ngo amafaranga yanjye n’isakoshi niwe wabitwaye. Uwo muvuzi nyine yambajije ngo yahageze, ndamwemerera musaba ko aza, araza.”

Uyu musore abari k’uwo mugore yibye bose bamuhaga inkwenene bitewe n’uburyo yari yacitse intege atabasha kugenda, byanateye impuhwe uwo yibye kugeza ubwo yamusabye kumushakira ibyangombwa gusa naho amafaranga (atavuze ingano) akayareka kuko yabonye ntaho yayakura.

Umugabo wahaye umuti (uruhereko) uwo mugore, avuga ko yitabajwe hashize ibyumweru bibiri.

Yagize ati “Yaraje muha Nimero, ni nayo nkurikirana. Ni nkuko nawe amashanyarazi yagufata. Nari nasabye Polisi ngo bamufunge nakira azashake ubwishyu, ariko bavuze ko batafata umuntu wanegekaye ngo bamufunge. Ubu maze hafi amasaha abiri ndi kumuhembura mukuramo umuti”

Uyu mugabo yakomeje asobanura ko asanzwe atanga imiti ku bantu bibwe bifuza kugaruza ibyabo, ndetse ko n’abashakanye bacana inyuma yabashyira ku karubanda, gusa ngo ntakunda kubikora kuko byasenya imiryango.

Abaturage bamwe kandi bashigikiye ibyo uyu mugabo akora kuko ngo ibisambo byabajujubije kandi ngo icyiza ni uko ntawe yica ahubwo abagaragaza gusa.

Yanditswe na Chief editor/Muhabura.rw


Tanga igitecyerezo

Amazina
Ubutumwa

Izindi nkuru

Inkuru zikunzwe