Yashyizweho kuri29 November, 2018 | 17:06

Umugore yasambanyijwe ku ngufu n’abagabo 40 mu minsi 4 gusa

Umugore w’imyaka 22 yemeye akazi ko gukora muri Hoteli muri Leta ya Haryana, mu Majyaruguru y’u Buhinde, asambanyirizwamo ku ngufu n’abagabo 40.

Mbere yo gutangira akazi, uwari sebuja yamusabye kubanza kujya gusura aho azakorera, agezeyo bamuha ibiyobyabwenge bimubuza no kumenya aho ari, bamukoreraho ubufindo mu gihe cy’iminsi ine.

Ibitangazamakuru byo mu Bihinde, bivuga ko uwari ushinzwe iyo hoteli yirukanwe ku kazi n’abandi bagabo batatu bari abayobozi mo, bashinjwa gufata iki kibazo nk’icyoroshye ndetse no kutamenyesha ibukuru.

Nk’uko ikinyamakuru parismatch.com kibitangaza, ngo gufata abagore n’abakobwa ku ngufu ni ingeso yazahaje iki gihugu. Kuva mu mwaka wa 2014 kugera mu 2016, hatangajwe imibare ihwanye n’abantu 110 333 basambanyijwe ku ngufu.

Abasaga 110 ngo bakaba basambanywa ku munsi umwe. Mu cyumweru kimwe ubwo hari muri Nyakanga 2018, hatangajwe inkuru y’abagabo 17 basambanyije umwana w’umukobwa w’imyaka 11.

Indi nkuru yabaye idasanzwe muri iki gihugu cy’u buhinde, ni iy’umukobwa w’umunyeshuri wasambanyijwe n’ikipe y’insoresore biganaga, zibikorera inyuma y’imodoka, umukunzi we arebera dore ko ngo we yari afite uburwayi bw’igitsina cye kidafata umurego.

Uyu mukobwa byaje kumuviramo urupfu, urukiko rw’ikirenga rukatira batatu mu bamusambanyije igihano cyo kwicwa.

Niyomugabo Albert/MUHABURA.RW


Tanga igitecyerezo

Amazina
Ubutumwa

1 Comment

Emibeth - 2 weeks ago

Nuk Inyamiramab Bogeragez Gukir Ab Bajejw Kandi Na Leta Igasohor Itegek Ko Uwuzofatw Yasambanij Umugor Cank Umukobw Kunguf Azocirirw Uw Kwicwa

Izindi nkuru