Yashyizweho kuri11 November, 2018 | 14:08

Paris:Perezida Trump n’abandi bayobozi bakiriwe n’itsinda ry’abagore bigaragambije bambaye ubusa [REBA AMAFOTO]

Abagore 3 bakomoka muri Ukraine bibumbiye mu mutwe uzwi nka “FEMEN”bagaragaye mu mujyi wa Paris mu gihugu cy’Ubufaransa ku nyubako izwi cyane yitwa Arc de Triomphe,bambaye ubusa hejuru bari kwigaragambya bamagana bamwe mu bayobozi bitabiriye inama yiga ku mahoro ku isi iteraniye muri iki gihugu.

RT ducyesha iyi nkuru yatangaje ko aba bagore bigaragambije bamagana uruzinduko rw’abayobozi b’ibyamamare barimo Donald Trump uyobora Amerika na Angela Markel w’Ubudage basuye Ubufaransa mu rwego rwo kwibuka abasirikare baguye mu ntambara ya mbere y’isi yose.

Aba bagore bahise batabwa muri yombi na polisi nyuma yo gushaka kuyirwanya ubwo yageragezaga kubakura kuri Arc de Triomphe, aho uyu muhango wo kwibuka wagombaga kubera.

Aba bagore bibumbiye mu ishyirahamwe ryitwa FEMEN bigaragambije mu gitondo cyo ku munsi w’ejo taliki ya 10 Ugushyingo 2018,bavuga bati “Murakaza neza mwa banyabyaha mwe,babyita Donald Trump na Angela Markel ndetse n’abandi bayobozi bakomeye bagombaga kwitabira uyu muhango".

Ku bipapuro byamagana ibi birori,hariho amaraso y’ibihimbano ndetse bari biyanditse ku mibiri inyandiko zamagana aba bayobozi zivuga ko atari abarinzi b’amahoro ahubwo ari abanyabyaha.

Mu gihe abapolisi bari bahageze abigaragambyaga birutse bahunga bagenda basakuza bavuga ngo Murakaza neza banyabyaha b’intambara Abagore bakimara gufatwa na Polisi bajyanwe mu modoka mu gihe abakerarugendo baraho bareba

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru