Yashyizweho kuri23 November, 2018 | 14:36

Gisagara:Umusore yamaranye iminsi ibiri inzuki ku mutwe zimubumbiyeho

Umusore usanzwe ukora akazi ko koza imodoka mu gasantere ka Akabuga mu Kagari ka Kibayi, Umurenge wa Mugombwa,yamaze iminsi ibiri inzuki zamwihumbitse ku mutwe.

Ibi byabaye kuri uyu wa Kane tariki ya 22 Ugushyingo 2018, aho uyu musore yagaragaye yuzuweho n’inzuki ku mutwe mu musaya w’ibumoso, abaturage bo muri aka gace batangira gukeka ko yarozwe.

Gusa abandi baturage bo muri aka gasantere bavuze ko bishoboka ko hari abo yibye amafaranga bazimuterereje cyangwa akaba yazishyizeho kubera ubugenge asanzwe akora.

Augustin Murenzi Umunyamabanga Nshingwabikorwa w’Umurenge wa Mugomba ,yabwiye umunyamakuru icyateye inzu kuzura kwibumbira ku mutwe w’uyu musore.

Yagize ati “Icyibiteye cyamenyekanye, umutware w’inzuki yamuguye ku musaya hanyuma izindi zose ziramukurikira.”

Yemezako nyuma y’uko uyu musore agiweho n’izo nzuki abaturage bacyetse ko yarozwe ndetse aho anyuze hose bakamwuzuraho bamutangarira.

Yongeyeho ko mu gitondo cyo kuri uyu wa Gatanu ari bwo uyu musore yikuyeho izo nzuki ndetse nta ngaruka byamuteye.

Niyomogabo Albert/MUHABURA.RW


Tanga igitecyerezo

Amazina
Ubutumwa

Izindi nkuru

Inkuru zikunzwe