Yashyizweho kuri15 March, 2019 | 19:34

Inkoko zishyize hamwe ziyicira imbwebwe yari iziteye

Inkoko zo ku kigo cy’ishuri kiri mu majyaruguru ashyira uburengerazuba bw’Ubufaransa zishyize hamwe zica icyana k’imbwebwe zikoreshe iminwa yazo.

Iki kintu kidasanzwe cyabereye ahitwa Bretagne mu gihe iyo mbwebwe yinjiraga mu nzu y’inkoko aho bivugwa ko harimo inkoko zigera ku 3000 mu gihe umuryango wikinguye imaze kwinjiramo uhita wongera urikinga.

Pascal Daniel ushinzwe ubuhinzi n’ubworozi ku kigo cy’ishuri cya Gros-Chêne, yavuze ko itsinda ry’isake nyinshi ryahise riyitera zitangira kuyijoma zifashishije iminwa yazo.

Iyo mbwebwe yabonetse mu gitondo aho yapfiriye mu mfuruka y’iyo nzu y’inkoko.

Daniel yabwiye iibiro ntaramakuru by’Abafaransa AFP ati "Zari zayijomaguye n’iminwa yazo".

Inkoko zigera ku 6000 zisanzwe zitungiwe mu kibanza gifite hegitari eshanu.

AFP yakomeje itangaza ko iyo nzu iba ikinguye ku mwanwa, maze inkoko zikamara umunsi wose zitembera hanze.

Igihe uwo muryango wifunze,ngo iyo mbwebwe yari ifite nk’amezi atanu cyangwa atandatu yahise isanga yafungiranywemo.

Daniel yabwiye ikinyamakuru Ouest France cyo muri ako gace ko iyo mbwebwe yabonye izo nkoko ziziye icyarimwe ari nyinshi igira ubwoba.Bityo ngo iyo izo nkoko ziri hamwe zishobora kwirindira umutekano ngo nta nyamaswa yindi yazimeneramo.

Yanditswe na Habarurema Djamali


Tanga igitecyerezo

Amazina
Ubutumwa

3 Comments

- yesterday

amakuruyikigari

- yesterday

muduheinyandiko igaragaragusoma

Damascene - 1 month ago

l’union fait la force

Izindi nkuru

Inkuru zikunzwe