Yashyizweho kuri12 December, 2019 | 21:27

Birababaje:Umusore yishe abantu 9 harimo barindwi bo mu muryango we ahanishwa gutwikwa arashya arakongoka

Umusore witwa Chigozie Orusa wo mu gihugu cya Nigeria bivugwa ko afite ubumuga bwo mu mutwe yatwitswe n’abaturage ndetse n’abo mu muryango arashya arakongoka kugeza yitabye Imana.

Intandaro y’urupfu rw’agashinyaguro rw’uyu musore,yatewe n’uko yishe abantu icyenda,barimo barindwi bo mu muryango we ndetse n’abaturanyi babiri bose bo mu gace ka Nempimuri Leta ya Imo.

Amakuru avuga ko Chigozie yari asanzwe ari umucuruzi mu mujyi wa Onitsha ariko nyuma aza gufatwa n’uburwayi bwo mu mutwe.Inshuti ze zamujyanye mu muryango we uherereye Nempi,batangira kumwitaho.

Gusa nyuma uburwayi bwa Chigozie bwageze ku kigero cyo hejuru araremba bikomeye.Mu masaha ya mugitondo tariki 8 Ukuboza 2019, Chigozie yafashe umuhoro atemagura abantu icyenda bose arabica.Muri abo ikenda kandi hari harimo barindwi bo mu muryango we aho yari arwariye.

Abo yishe bo mu muryango we barimo;Sekuru,umugore wa gatatu wa sekuru (nyirakuru) ndetse na babyara be batanu.Abandi babiri bari abaturanyi.

Iyi nkuru ya Feceofmalawi ikomeza ivuga ko nyuma y’ubwo bwicanyi yari amaze gukorera abo bantu bose,urubyiruko rwo muri ako gace rwararakaye rumuhuriraho rutangira kumukatagura n’inzembe nyuma nibwo yakongerejwe arashya arakongoka.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru

Inkuru zikunzwe