Yashyizweho kuri8 March, 2019 | 16:28

BIRATANGAJE:Ku myaka 80 y’amavuko yafashe umwanzuro wo kwiga amashuri abanza kugeza asoje kaminuza

Umukambwe umukecuru rukukuri w’imyaka 80 y’amavuko wo mu gihugu cya Uganda yatunguye abantu ubwo yajyaga gutangira kwiga amashuri abanza aho avuga ko afite intego yo kuzaba mwarimu.

Uyu mukambwe Maria Obonyo usanzwe ari umuhinzi,ku wa Mbere tariki 5 Werurwe 2019 yabwiye itangazamakuru ko nyuma yokubabara cyane byiyongeraho no kuba inkandagira bitabo,yafashe umwanzuro wo kujya ku ishuri kwiga uko bavuga icyongereza ndetse n’uko bacyandika.

Yagize ati“Nafashe umwanzuro wo kwiyandikisha mu mashuri abanza kubera ko nabuze ababyeyi banjye ikindi nta n’umuntu n’umwe wo kunyitaho.Nzarangiza kwiga ari uko mbonye impamyabumenyi y’ubwarimu muri kaminuza ya Makerere".

Birumvikana ko Obonyo azasoza amashuri ye nk’uko abyifuza ageze mu myaka 96 y’amavuko.

Gusa uyu mukambwe avuga ko afite imbogamizi nyinshi muri iyi myigire ye, zijyanye n’uko atazashobora kubona amafaranga y’ishuri.

Yakomeje agira ati“Ikindi kandi ndifuza ahantu heza hogukinga umusaya kubera ko niberaga mu rugo rw’umukuru w’umudugudu."

Umuyobozi w’umudugudu uyu mukecuru atuyemo Twaha Magero yavuze ko iki cyemezo cya Obonyo ari urugero rwiza rw’abandi bafite imyaka nk’iye ndetse n’abandi banyeshuri bataye ishuri kugira ngo barigarukemo.

Umuyobozi w’ikigo cy’amashuri y’incuke yigagamo mbere,Stella Tayona, yavuze ko Obonyo yabanje kwiga mu ishuri rye mu mwaka wa 2015 arangiza umwaka ushize ari uwa Mbere .

Ati“Ni umunyeshuri ugira umwete utajya usiba ishuri n’umunsi n’umwe kandi abana neza n’abandi banyeshuri bigana.”

Yakomeje avuga ko ikigo cyamufashije kubona bimwe bicyenewe ariko ko acyeneye n’ubundi bufasha bw’abagiraneza.

Olivia Kwagala w’ikigo cy’amasuri abanza agiye kwigamo,yavuze ko Obonyo yishimiye kwiga ku kigero cy’imyaka ingana ityo kandi ko yifitiye ikizere bityo ngo amashuri ye kugeza mu wa karindwi azayasoza nta kabuza.

Uyu muyobozi avuga ko ikintu cya mbere babanje kumwigisha ari ukuntu yabasha kumenya gusinya ku rupapuro ndetse n’ibindi byangombwa bitandukanye hanyuma akazakomeza kwigishwa ibindi.

Yanditswe na Habarurema Djamali


Tanga igitecyerezo

Amazina
Ubutumwa

2 Comments

Damascene! - 1 month ago

Umukecuru wimyaka 80 nta conscience ufise! nubwonko bwe ntibugikomeye! urumuntu waciye kuntebe yishure cette histoire n’est pas positive.Simbyemeye ntanuko bibaho.

Ngamije - 2 months ago

Iyo target ninziza kabisa

Izindi nkuru

Inkuru zikunzwe