Yashyizweho kuri2 July, 2020 | 02:44

Umusirikare wo mu ngabo zu Rwanda yishwe na COVID-19

Nyuma y’igihe kigera ku kwezi ahatangajwe umuntu wa kabiri wishwe n’icyorezo cya COVID-19, kuri uyu wa Gatatu tariki ya 1 Nyakanga 2020 hatangajwe umurwayi wa gatatu wahitanywe na cyo mu Rwanda, akaba yari umusirikare mu Ngabo z’u Rwanda (RDF) wafatiwe mu mahanga ari mu Butumwa bwa Loni bwo kubungabunga amahoro.

Umurwayi wa kabiri wishwe na COVID-19 yari umupolisikazi Eunid Mbabazi w’imyaka 24 y’amavuko, na we wanduriye mu Butumwa bw’Umuryango w’Abibumbye bwo kubungabunga amahoro. Inkuru y’urupfu rwe yatangajwe tariki ya 2 Kamena , nyuma y’iminsi itatu gusa hatangajwe uwa mbere tariki ya 30 Gicurasi 2020.

Uwo musirikare wa RDF w’imyaka 51, bivugwa ko yari asanzwe afite ubundi burwayi.

Inkuru ibabaje y’urupfu rwe yatangajwe hamwe n’umubare w’abarwayi bashya 17 batahuwe mu bipimo 3,961 byafashwe mu masaha 24 ashize, hakaba hanatashye 33 bakize neza.

Ibyo byatumye umubare w’abamaze gukira COVID-19 ugera kuri 480 mu bantu 1,042 bamaze gutahurwaho icyo cyorezo mu Rwanda.

Abarwayi bashya batahuwe i Kigali:7, muri Ngoma:6, i Rubavu:2 na Rusizi:2,, bakaba bahise bashyirwa mu kato aho bakomeje kwitabwaho n’abaganga.

Abaturarwanda barasabwa kurushaho kubahiriza amabwiriza yo kwirinda ari yo gusiga intera ya metero, kwambara udupfukamunwa no gukaraba intoki kenshi bakoresheje amazi meza n’isabune cyangwa arukoro yabugenewe.

Chief editor /MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru