Yashyizweho kuri6 August, 2020 | 21:01

Rubavu : Wa Mubyeyi wari warabyariye umwana w’umuhungu aho yavurirwaga COVID-19 ya kize

Cyizanye Marie Béata w’imyaka 41 umaze iminsi 20 abyariye umwana w’umuhungu mu Kigo Nderabuzima cya Rugerero giherereye mu Karere ka Rubavu aho yavurirwaga icyorezo cya Koronavirusi (COVID-19) , ni umwe mu bantu basezerewe kuri uyu wa Kane tariki ya 6 Kanama nyuma yo gukira neza ndetse n’umwana we akaba ari muzima.

Ubuyobozi bw’Ikigo Nderabuzima cya Rugerero bwatangarije itangazamakuru ko uwo mubyeyi yakize ndetse n’umwana we yitaweho ku buryo atigeze yandura COVID-19.

Cyizanye na we yashimie Leta n’abaganga uburyo bakurikiranye ubuzima bwe n’ubw’umwana we akaba yaravuwe agakira atanduje uwro ruhinja.

Ku wa 17 Nyakanga 2020, ni bwo Ubuyobozi bw’ikigo k’Igihugu cy’Ubuzima (RBC) bwatangaje ko bwashimishijwe no kuba uwo mubyayi yarabyaye neza uruhinja na nyina bakaba bari bazima.

Ubuyobozi bwa RBC bwiri bwagize buti: “Tunejejwe no kubamenyesha ko umwe mu bavurwa COVID-19 yibarukiye umwana w’umuhungu mu Kigo Nderabuzima cya Rugerero kimwe mu bigo bivurirwaho abarwaye COVID-19 mu Rwanda. Umwana na nyina bameze neza”.

Umuyobozi w’Ibitaro bya Gisenyi Lt Col Dr Kanyankore William, icyo gihe yavuga ko nubwo bitaramenyekana niba urwo ruhinja rwavukanye ubwandu bwa COVID-19, bakomeza kurwitaho bakurikirana ubuzima bwarwo no mu gihe nyina yaba akize agasubira mu muryango we.

MUHABURA.RW Amakuru nyayo


Tanga igitecyerezo

Ibitekerezo


Tanga igitekerezo


Izindi nkuru