Yashyizweho kuri24 November, 2018 | 19:33

Rubavu:Umugabo bicyekwa ko ari umujura yakubiswe n’abaturage bimuvira gupfa

Umugabo witwa Uwajeneza Gahinja yambutse akarere atuyemo ka Nyabihu mu murenge wa Jenda akagari ka Karago, maze mu ijoro ryakeye ajya gutera ingo z’abaturage bo mu Murenge wa Kanzenze,ajya kubiba bamufashe arwana na bo baramukubita apfira ku Kigo Nderabuzima cya Kabari.

Aba baturage bavuga ko byabaye ahagana saa munani z’ijoro ubwo Uwajeneza na bagenzi be babiri babateye bakagenda basahura ibyo bahuraga nabyo birimo imyenda na telefoni.

Umuvugizi w’urwego rw’igihugu rw’ubugenzacyaha,Mbabazi Modeste, yahamije aya makuru aho yavuze ko batangiye iperereza kugira ngo hamenyekane neza inkomoko ya byose,ku buryo haribunamenyekane niba ababigizemo uruhare babikoze ari ukwihore bahanwe.

Yagize ati “Mu gicuku nibwo abajura batatu bateye abaturage noneho abaturage baratabara barwana nabo nuko uyu mujura atera icyuma umuturage witwa Hategekimana Emmanuel utuye Nyamirango mu Murenge wa Kanzenze bagenzi be babiri bahita biruka asigara arwana n’abaturage ashaka gucika.”.

Yakomeje agira ati“Ubu turimo gukurikirana ngo hamenyekane niba abamukubise bitabaraga cyangwa niba bihaniraga ngo babihanirwe’’.

Umurambo wa nyakwigendera wajyanwe ku bitaro bya Gisenyi naho Hategekimana Emmanuel yateye icyuma akaba arimo kwitabwaho n’abaganga mu Kigo Nderabuzima cya Kabari aho uyu yaguye.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru