Yashyizweho kuri3 August, 2019 | 15:39

Nyagatare:Umushoferi yagiye agonga abantu umugenda bane bitaba Imana

Imodoka nto ya ’taxi voiture’ yagonze abantu bane mu mirenge itandukanye y’akarere ka Nyagatare bahita bitaba Imana, uwari uyitwaye na we arakomereka bikomeye.

Iyi mpanuka yabaye mu masaha ya mu gitondo kuri uyu wa Gatandatu tariki 3 Kamena aho iyo vatiri yagongeye umuntu umwe ahitwa Ryabega mu murenge wa Nyagatare iramwica ikomeza igana mu murenge wa Rwimiyaga naho ihagongera abandi batatu barapfa.

Umushoferi wayo yakomeretse ndetse n’undi mugenzi nawe arakomereka,bahita bajyanwa mu bitaro bikuru bya Nyagatare ndetse n’abitabye Imana nabo bajyanwa muri ibyo bitaro mu gihe hakomeje iperereza ku cyateye iyi mpanuka.

Mushabe Claudien,Umuyobozi w’Akarere ka Nyagatare yabwiye umunyamakuru ko umushoferi wari utwaye iyo modoka yageze ahitwa Ryabega mu Murenge wa Nyagatare, abanza kugonga umuntu umwe arapfa, ubwo yageragezaga guhunga ageze mu Murenge wa Rwimiyaga nabwo agonga abandi batatu nabo bitaba Imana.

Ati “Uyu mushoferi ubwo yageraga ahitwa Ryabega yagonze umuntu arapfa ariko akomeza kwiruka, ageze mu Murenge wa Rwimiyaga ahitwa Kamagiri nibwo yagonze abandi batatu nabo bahasiga ubuzima, na we arakomereka.

Yavuze kandi ko iyo mpanuka yatewe n’umuvuduko mwinshi iyo modoka yari ifite kuko ngo uwari uyitwaye nta kimenyetso cy’uko yari yanyoye inzoga bamusanzeho.

Mushabe yasabye abashoferi bagenda muri Nyagatare kujya bagabanya umuvuduko, ntibashukwe n’imirambi y’aho hamwe n’imihanda ikoze neza ngo barukanke cyane.

Niyomugabo Albert/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru