Yashyizweho kuri27 March, 2020 | 20:08

Menya Ikipe y’abantu bashinzwe gushakisha abakekwaho kwandura Coronavirus mu Rwanda [ REBA AMAFOTO]

Ikipe igizwe n’abakozi 220 bo mu nzego zitandukanye niyo iri mu bikorwa byo gushakisha abafite aho bahuriye n’abamaze kwandura Coronavirus mu Rwanda.

Ni urugamba rugamije gushyira iherezo ku bwandu bushya bw’iki cyorezo mu Rwanda mu gihe cyose abaturarwanda bakomeza kuguma mu ngo zabo kugirango batagira aho bahurira n’abanduye.

Gushakisha umuntu wahuye n’umwe mu bamaze kwandura Coronavirus mu Rwanda byatangiye tariki 14 Werurwe uyu mwaka, umunsi wa mbere u Rwanda rwatangaje ko umuntu wa mbere wanduye yagaragaye ku butaka bwarwo.

Ikipe y’abantu bari hagati ya 6 na 8 niyo ikurikirana abagize aho bahurira n’umurwayi umwe wa Coronavirus.

Kuva iki gikorwa cyatangira, abantu 1281 ni bo byagaragaye ko bahuye na bamwe mu barwayi ba Coronavirus.

Barimo 473 bo mu Karere ka Kicukiro, 406 bo muri Gasabo, 168 bo mu Karere ka Nyarugenge.

Hari kandi 142 bo mu Karere ka Bugesera, 20 bo muri Rwamagana, 15 b’i Musanze na ho 13 ni abo mu Karere ka Karongi.

Kugeza ubu imibare ya Minisiteri y’Ubuzima igaragaza ko abantu 50 ari bo bamaze kwandura Coronavirus mu Rwanda. Bakaba bari ahantu bitabwaho, aho iyi minisiteri ivuga ko nta n’umwe urembye.

Chief editor MUHABURA. RW


Tanga igitecyerezo

Ibitekerezo


Tanga igitekerezo


1 Comment

Zuzu - 2 months ago

Ni hatali

Izindi nkuru