Yashyizweho kuri17 April, 2019 | 13:54

RDC:Leta yatangaje ko abantu 150 baguye mu mpanuka y’ubwato mu kiyaga cya Kivu

Umukuru w’igihugu cya Republika iharanira demokarasi ya Congo, Félix Tshisekedi, yatangaje ko abantu bagera ku 150 bapfuye nyuma y’uko ubwato barimo bukoze impanuka ku wa Mbere mu kiyaga Kivu kiri mu burasirazuba bw’icyo gihugu.

Mu butumwa yacishije ku rubuga rwa Twitter,Tshisekedi yanditse agira ati"Mbabajwe cyane n’ubwato bwarohamye ku itariki ya 15 z’ukwezi kwa Mata mu kiyaga cya Kivu. Imibare yagateganyo ni abantu 150 baburiwe irengero".

Tshisekedi yavuze ko arimo kubikurikiranira hafi kugira ngo ababifitemo uruhare bamenyekane kandi bahanwe. Akomeza yihanganisha imiryango yaburiye ababo muri iyo mpanuka.

Perezida Tshisekedi yihanganisha imiryango yaburiye ababo muri iyo mpanuka.

Delphin Mbirimbi, ari mu baharanira uburenganzira bwa muntu mu ntara ya Kivu y’ubumajyepfo yabwiye ibiro ntaramakuru Reuters ko ubwo bwato bwibiiye mu kiyaga Kivu, hafi ya territoire ya Kalehe, buvuye mu ntara ya Kivu y’amajyaruguru
bihana urubibi.

Avuga ko imirambo itatu ariyo yari imaze kuboneka, abantu 33 bararokorwa, abandi 150 baburirwa irengero.

Muri iki gihugu kinini hakunze kguaragara impanuka nyinshi zihitana abantu dore ko kigizwe n’amashyamba manini ariko kikagira imihanda micye ndetse imieze nabi.

Abagenzi muri iki gihugu bakaba bifashisha amato mu rwego rwo kuva ahantu bagana ahandi kuburyo usanga yapakiye umubare w’abantu urenze urugero yagenewe gutwara.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


1 Comment

Nduwarugira Methode - 4 months ago

Nukuri Pore Sana Ndahojeje Imiryango Yabuze Hama Kweri Leta Nayo Yoraba Ikintu Gikuru Gituma Ayo Masanganya Kuko Ndumva Byama Byabaye .Imiryango Yabuze Yihangane.

Izindi nkuru

Inkuru zikunzwe