Yashyizweho kuri11 September, 2018 | 21:58

Huye:Umusore yatawe muri yombi acyekwaho kwica umuturanyi we amukubise umuhini mu mutwe

Umusore wo mu Murenge wa Huye yatawe muri yombi akekwaho kwica Umururanyi we witwa Sindikubwabo Yohani, amukubise umuhini mu mutwe,nyuma y’uko bagiranye ubushyamirane aho banyweraga urwarwa kwa Bizimana.

Byabaye ku mugoroba wo kuri uyu wa mbere tariki ya 10 Nzeri 2018 mu Kagari ka Sovu, aho bombi bari batuye.

Abaturage batuye aho ibyo byabereye,bavuga ko uwo musore usanzwe ukora irondo ry’umwuga, yari yasangiye inzoga n’uwo bikekwa ko yishe barwaniye mu rugo rw’umuturage aho banyweraga, maze abaturage barabakiza ariko nyuma aza kumukurikirana amukubita umuhini bageze hafi y’urugo rwe.

Umwe mu babibonye yagize ati “Barwaniye ahantu kwa Bizimana bari bafite urwagwa bari kurunywa, ubwo nyuma yaho Sindikubwabo yamuhunze arataha, ubwo uwo wamwishe yahize aza amukurikiye n’ubuhiri ahita abumukibita mu mutwe.”

Undi ati “Nahageze nka saa kumi n’imwe na 15 nsanga arimo aramuhondagura, abanyeshuri bavuza induru. Nasanze yaguye mu mugina agaramye ubwo turamwegura noneho twirukanakana uwo wamukibitaga turamufata.”

Mbabazi Modeste, Umuvugizi wa RIB,avuga ko uwo ucyekwaho ubwicanyi yamaze gufatwa agiye kujyanwa mu butabera.

Mbabazi yagize ati “Yafashwe ubu ari gukurikiranwa n’ubugenzacyaha ari kuri sitasiyo ya Polisi ya Huye.”

Mbabazi akomeza avuga ko icyo abantu bacyeka ko cyaba kiri inyuma y’ubwo bushyamirane no kwicana ari ikoreshwa ry’ibiyobyabwenge kuko uwo ucyekwaho icyaha amaze gufatwa bamusanganye urumogi mu mufuka w’imyenda yari yambaye.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru

Inkuru zikunzwe