Yashyizweho kuri2 August, 2019 | 14:16

Goma:Umuntu wa gatatu yishwe na Ebola mu gihe hari undi wa kane bayisanzemo

Umuntu wa kane akaba ari mugore w’umugabo yishwe na Ebola bamusuzumye basanga afite virus ya Ebola mu mujyi wa Goma mu burasirazuba bwa Repubilika ya Demokarasi ya Congo RDC.

Iki cyorezo kimaze guhitana abantu barenga 1800 kuva cyakwaduka mu kwezi kwa munani umwaka ushize mu burasirazuba bwa Kongo mu Ntara ya Kivu ya ruguru.

Uyu muntu wa kane, ni umugore w’umugabo wishwe n’iyi ndwara kuwa gatatu w’iki cyumweru.

Umwana wabo umwe nawe muri iki cyumweru bamusanzemo indwara ya Ebola. Yari uwa gatatu.

Amakuru yatanzwe n’ishami ry’umuryango w’abibumbye ryita ku buzima (OMS) avuga ko umuntu wa kabiri uheruka kwitaba Imana ari we wanduje abandi babiri bo mu muryango we, umwe muri bo na we wari umwana muto w’umwaka umwe w’amavuko akaba yamaze kwitaba Imana.

Uwo mwana abaye umuntu wa gatatu wishwe na Ebola mu Mujyi wa Goma utuwe n’ababarirwa muri miliyoni.

Ibi byatumye Leta y’u Rwanda isaba abaturage kutajya ahari icyorezo n’ubwo hari ababyumvise ukundi bakavuga ko imipaka yafunzwe ariko mu kiganiro n’abanyamakuru ejo kuwa kane ni mugoroba, minisitiri w’ubuzima Dr Diane Gashumba yavuze ko umupaka utigeze ufungwa.

Abashinzwe ubuzima ku mpande zombi bakomeje ibikorwa byo gusuzuma urujya n’uruza rw’abantu no gukingira abantu bugarijwe kurusha abandi.

Urukingo ruri mu igerageza rumaze guhabwa abantu bose hamwe muri aka karere barenga 180,000 kandi rugaragaza ko rukora.

Gusa ibikomeje gutera impungenge y’uko iki cyorezo kitacika hariya i Goma ni uko hari bamwe batagirira icyizere abavura Ebola bagahitamo kwihisha mu rugo nubwo baba bazi ko bashobora kuba baranduye.

Mushiki w’umugabo wa mbere basanzemo indwara ya Ebola i Goma yahise ahunga aka gace, aza kuboneka mu yindi ntara. Abashinzwe ubuzima bavuga ko abandi bantu 40 bakoranyeho nawe babonetse.

Virus ya Ebola ikwirakwira mu gihe umuntu akoze ku matembabuzi y’umuntu uyirwaye, abaganga bavuga ko umuntu ashobora kugira iyi virus mu gihe cy’iminsi 21 ataratangira kuyirwara.Abaganga bemeza ko iyi virus itandurira mu mwuka.

Chief Editor/MUHABURA.RW


Tanga igitecyerezo

Ibitekerezo


Tanga igitekerezo


1 Comment

Tuyisenge emmy - 2 weeks ago

umunyarwanda yaravuze ati umuntu niwe wimenya kdi arojyer.ati ibuye jyagaragaye niba rikishe isuka banyarwanda namwe banyarwanda kazi tumenye ubwejye turwanya icyorezo cya ebola kdi twirinda kurya mugihugu yabonetsemo kdi mwibuke ko kwirinda buta kwivuza birabaje mukomere kdi mukomere mubwejye twe nka banya rwanda nziko iyo twishyize hamwe nacyatunanira ahubwo ikije cyiturwanya turakinaniza muhorane nimana kdi tuzirikane uwiteka muribyose

Izindi nkuru