Yashyizweho kuri21 October, 2018 | 20:37

Gicumbi: Abageze mu zabukuru barasaba ko serivisi z’ubuvuzi zabagenera umwanya wihariye

Kubwimyaka yabo ,abageze mu zabukuru bo mu karere ka Gicumbi, barasaba ko serivisi z’ubuvuzi zabagenera umwanya wihariye bakarushaho kwitabwabo ,kuko rimwe na rimwe habaho guhutazwa .

Izabukuru, ni imyaka abageze muri iki kigero bahamya ko bakunze kwibasirwa nurusobe rw’indwara zitandukanye zikabafatanya nintenge nke umubiri uba umaze guhura nazo.Icyakora basanga bahawe umwanya wo kwitabwabo kuburyo bw’ihariwe ,byabarinda gutonda umurongo bakunze guhura nawo igihe baganye ibigo nderabuzima n’amavuriro.

Umwe mu bacyecuru yagize ati“Nabuze uko nivuza nyine.Ibintu birandya ku maguru sinkandagire hasi. Iyo mpakandagiye ngira ngo ni nk’amazi.”

Umusaza nawe agira ati“Nkuko abaganga batwegera hafi wenda bakajya badumizaho nk’abantu bakuze bakaza kudusuzuma bakareba uburyo duhagaze,bakagira uburyo baturwanaho mu byerekeranye n’uburwayi”.

Ni icyifuzo Dr. Alvera Mukabaramba umunyamabanga wa Leta muri Minisiteri y’ubutegetsi bw’igihugu ushinzwe imibereho y’abaturage yakira nkicyakwirwaho akabihuza nubundi bufasha basanzwe bahabwa .

Mukabaramba “Ikiri muri politike kinini ni uko n’abageze mu zabukuru,mu gihe indwara zaba zibugarije twajya tubakurikirana.

Ubundi iyo mugiye ku murongo harimo n’abantu batoya,ni umuco kugira ngo umushyire imbere.Ariko bagiye kwivuza bafite umuntu wabo ubavura bajya kumurongo bose ntawuvuga ngo ndamuhagurukira”.

Akomeza avuga ko ibyo ari ibintu bigiye kubanza kwigwaho ngo kuko politike ishyirwaho bakabanza bakareba uburyo ishyirwa mu bikorwa,ariko abaganga bakwiye kujya bavura abo bageze mu zabukuru.

Akarereka Gicumbi kabarizwamo abageze muzabukuru ibihumbi 22 452. Uretse abasaba koroherezwa muri serivisi z’ubuvuzi ,kurundi ruhande hari abasanga kuba nta kigo kibahuza babarizwamo nabyo bikibagoye ,kuko usanga baremerewe n’imirimo yo murugo bakora ,hakiyongeraho irungu .

Ishimwe Honore/MUHABURA.RW


Tanga igitecyerezo

Amazina
Ubutumwa

Izindi nkuru