Yashyizweho kuri21 March, 2019 | 16:36

Gatsibo:Mu bitaro bya kiziguro igitanda kiraraho abarwayi batanu abandi bakarara hasi

Ikibazo cy’ubucucike bw’abarwayi kigaragara mu bitaro bya Kiziguro mu ntara y’uburasirazuba gihangayikishije ababigana.Minisitiri w’ubuzima Dr Diane GASHUMBA avuga ko guhangana n’ibibazo byugarije ibitaro hirya no hino mu gihugu biri gukorwa,nubwo kubonerwa ibisubizo byose bitari ibya none,icyakora hari ibizafashwa ni ngengo y’imari y’umwaka utaha.

Abarwayi bavuga ko bitaboroheye kurarana nabo badahuje uburwayi,kuko bishobora kubakururira ibindi byago aho ashimangira ko atari ikibazo gishya ariko gisa nikigenzwa biguruntege mu kugishakira igisubizo.

Umwe muri abo barwayi yagize ati”Bicyenewe kuba byakagurwa bikamera neza umurwayi akajya abaho yisanzuye ku gitanda cye abantu baracurikiranye ntabwo ari byiza”.

Undi nawe ati”Usanga tuba turyamye turi nka batanu ku gitanda abandi bakatweranja bakadushakira za matera bakadushyira hasi.

Ushobora kuryama hafi y’umuntu afite ikibazo cya diyare, mu kararana bitewe na wa mwuka ukuvaho umujyaho ukagira ikibazo mu ruguma(igikomere) rukongera rukangirika”.

Si aha gusa havugwa ubucucike kimwe n’ibindi bibazo muri serivisi z’ubuzima,aribyo minisitiri w’ubuzima Dr Diane Gashumba asobanura nkibiri gushakirwa umuti nubwo atari vuba.

Gashumba Dr ati"Dushatse kugeza aho tuvuga ngo tugejeje aho twifuza,ibyo bintu bifite bije (bedget) ya miliyari 12 ku mwaka.Ni ukuvuga ngo ntabwo ari ikintu twashobora uyu mwanya ni ibintu bigenda bishyirwa mu bikorwa mu byiciro tukagerageza gushyira imbaraga ahari ibibazo byinshi".

Akomeza agira ati"Nk’uyu munsi twabonye ibitaro bigera kuri 11 bifite bwa bucucike bw’abaturagte,bifite indwara nyinshi,bifite abajya mu bitaro benshi,aho niho turi gushyira imbaraga cyane dufatanyije na minisiteri y’imari ku buryo mu ngengo y’imari y’umwaka utaha tuzongera umubare w’abakozi bari muri ayo mavuriro ibyo twamaze kubyumviakanaho”.

Ubu bucucike bwari bwanenzwe na minisitiri wintebe muruzinduko yagiriye muri iyi ntara mu minsi ishize asaba ko bitarenze ukwezi iki kibazo cyaba cyakuwe munzira.Ibitaro bya Kiziguro biganwa n’abarwayi baturuka mu bigo nderabuzima 11 byo hirya no hino,aribo banenga inyubako z’ibitaro zishaje ntizibe zinahagaje .

ISHIMWE Honore /MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru

Inkuru zikunzwe