Yashyizweho kuri6 September, 2018 | 21:24

Gasabo:Umukozi wa IREMBO yatorokanye amafaranga y’abaturage none bararira ayo kwarika

Abaturage bo mu murenge wa Nduba,bavuga ko benda guhitanwa n’indwara kubera ko bafatwa nk’abatishyuye ubwisungane mu kwivuza bitewe n’uko umukozi w’ikigo cyIREMBO muri uwo murenge bamuhaga amafaranga y’ubwisungane mu kwivuza akababeshya ko bamaze kujya ku rutonde nyuma akaza kuyatorokana.None kuri ubu akaba yaraburiwe irengero.

Bamwe muri abo baturage baganiriye na Muhabura.rw bavuga ko ikibazo cyo kwivuza cyabaye ingora bahizi kuko iyo bagiye kwa muganga basanga batari ku rutonde rw’abishyuye ubwisungane,ndetse banajya no kubaza ikibazo cyabo ku murenge bakababwira ko bagomba kongera kwishyura kuko ngo igisambo cyabo cyarayatwaye.

Gusa ngo mu minsi yambere umurenge wagerageje kubaha ibyemezo byemeza ko bayatanze ariko nyuma baje kubireka bakajya bababwira gutanga andi mafaranga bwa kabiri.

Umwe yagize ati“Natanze amafaranga ya mitiweli,ubwo igihe cyaje kugera ngiye kwireba barambwira ngo igisambo cyarayatwaye.Nageze kwa muganga I Nduba barambwira ngo njyende ku murenge bampe icyemezo cy’uko nayatanze.Naragiye mbivuze barambwira ngo ibyo byararangiye tanga indi mitiweli igisambo cyanyu cyarayariye.”

Undi yagize ati”Hashize igihe umuntu akajya ajya ku murenge bakamuha igipapuro yajyana kwamuganga ngo yivuze,none ubu uragenda wacyaka bakakikwima”.

Umunyamabanga nshingwabikorwa w’umurenge wa Nduba, Musasangohi Providence avuga ko mu bushobozi bucye nk’umurenge bagerageje gufasha abaturage bamwe babasha kwivuza.

Uyu muyobozi kandi avuga ko hagakwiye kurebwa kuby’uko abakozi b’Irembo batazajya bafata amafaranga mu ntoki kuko ngo iyo bayabonye ari menshi bituma bagira umutima wo kuyiba.

Musasangohi yagize ati“Mu minsi ya mbere, hari abo mu bushobozi bw’umurenge hari abo twagiye twishyurira”.

Yungamo ati”Ntabwo navuga ko ari abaturagi batari bagasobanukirwa cyane, ahubwo ni abakozi b’irembo bataragira ubunyangamugayo.Ikindi nk’imbogamizi ni uko abakozi b’irembo bacyakira amafaranga mu ntoki, mbona nabwo hari uburyo byacyemuka.Kuko wenda umukozi w’irembo ashobora kwakira amafaranga menshi yabona ayagize ari menshi mu ntoki akagira wa mutima wo kugerageza kuyiba”.

Umuvugizi w’ikigo cy’IREMBO mu Rwanda Ntabwoba Gille we yahakanye ko abo bakora ibyo bikorwa ari abakozi b’ikigo cyabo ahubwa ngo ni ba rwiyemezamirimo batanga serivise z’IREMBO.

Ntabwoba yagize at”Bariya mwita abakozi b’irembo,ni barwiyemezamirimo batanga serivise z’irembo.Ntabwo ari abakozi b’ikigo ahubwo ni ba rwiyemezamirimo.Baba ari abo muri ako gace muri uwo murenge twarangiza tukamuha uburenganzira bwokugirango azitange.

Akomeza ati"Iyo rero atwaye amafaranga nk’uko, mugihe hakirimo gushakishwa igisubizo uriya muntu yayishyura cyangwa hagafatirwa imwe mu mitungo yaba afite”.

Si ubwambere humvikanye ikibazo nk’iki cy’abakozi b’ikigo cy’IREMBO batorokana amafaranga y’abaturage kuko no mu karere kamwe ko mu ntara y’Amajyarugu,umukozi w’IREMBO yatorokanye amafaranga y’abaturage agera hafi kuri miliyoni ibyeri z’amafaranga y’u Rwanda ku buryo abaturage nyuma baje gucyenera serivise z’ubuvuzi bibabana ikibazo.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru