Yashyizweho kuri2 November, 2019 | 20:35

Gasabo:Imodoka yabuze feri igonga batatu barimo n’umushinwa bahita bitaba Imana abandi barakomereka [AMAFOTO]

Ahagana saa mayo za nimugoroba kuri uyu wa Gatandatu tariki 2 Ugushyingo,mu murenge wa Gisozi imodoka yabuze feri igonga abantu,imodoka ndetse na za moto batatu bahasiga ubuzima abandi barindwi barakomereka.

Amakuru agera kuri Muhabura.rw avuga ko iyo modoka yo mu bwoko bwa FUSO itwara ibishingwe yabuze feri imanuka iva kuri APAPEC igenda igonga buri kimwe cyose yasangaga mu nzira mu gakinjiro igeze kuri banki populaire ya Gisozi ihita isagama muri rigore ibona guhagarara.

Umunyamabanga nshingwabikorwa w’umurenge wa Gisozi,Musasangohi Providence,yabwiye Muhabura.rw ko iyo mpanuka ya yahitanye abantu batatu barimo n’umunyamahanga.

Ati"Kugeza iyi saha hari hamaze kwitaba Imana abantu batatu n’abandi barindwi bajyanywe ku bitaro".

Birakekwa ko ari imodoka yabuze feri imanuka kuri APAPEC iraza ikubita moto zari mu nzira,imodoka.Abahise bapfa ni abamotari babiri n’umunyamahanga umwe w’umushinwa".

Yakomeje avuga ko nyuma yaho polisi ishinzwe umutekano wo mu muhanda yahise ihagera imodoka zari mu nzira zagonzwe barazipakira umuhanda uhita uba nyabagendwa.

Usibye abo bitabye Imana,abandi barindwi bakomeretse imburance yahise ihagera bajyanwe kwa muganga.

JPEG - 341.5 kb
Iyo modoka yagendaga igonga icyo yasangaga mu nzira yaba moto,abantu ndetse n’imodoka

JPEG - 284.6 kb
Abakomeretse ambiranse yahise ibajyanwa kwa muganga
JPEG - 404.5 kb
Abo mu muryango w’umushinwa waguye muri iyo mpanuka bahise bahagera

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru

Inkuru zikunzwe