Yashyizweho kuri24 March, 2020 | 05:34

COVID-19 : Mu Rwanda hagaragaye abandi barwayi 17 bashya

Minisiteri y’Ubuzima yatangaje ko umubare w’abantu banduye COVID-19 mu Rwanda wageze kuri 36 nyuma y’uko hagaragaye abandi 17 biganjemo abaheruka mu ngendo bakoreye hanze y’igihugu.

Itangazo rya Minisante ryo kuri uyu wa Mbere, tariki ya 23 Werurwe rivuga ko hagaragaye abarwayi 17 bashya banduye icyorezo cya COVID-19, giterwa na Coronavirus.

Aba barwayi biyongereye kuri 19 basanganywe iki cyorezo, bagera kuri 36 banduye COVID-19 kuva umurwayi [Umuhinde ukorera rimwe mu mashami ya Loni mu Rwanda] wa mbere yaboneka mu gihugu ku wa 14 Werurwe 2020.

Minisante igaragaza ko abarwayi bagaragaye baturutse mu bihugu bitanu, aba barimo;

Abantu icyenda bageze mu Rwanda baturutse i Dubai,
Abantu batatu bavuye muri Kenya,
Abantu babiri baturutse muri Leta Zunze Ubumwe za Amerika,
Umuntu umwe wavuye muri Qatar,
Umuntu umwe waturutse mu Buhinde
Umuntu umwe watahuwe ko yahuye n’undi wagaragayeho Coronavirus mu Rwanda.

MUHABURA. RW


Tanga igitecyerezo

Ibitekerezo


Tanga igitekerezo


Izindi nkuru