Yashyizweho kuri7 June, 2017 | 19:46

Akarengane ka Rutembeza wanyazwe ibye akagera n’aho gutanga indezo y’abana harimo na bashatse

#Rutembeza avuga ko urukiko rwamukoresheje ubutane n’umugore batasezeranye

#Ubuyobozi bw’akagari bwamwambuye imitungo ye yose ihabwa umugore batandukanye

#Yakomeje gusabwa gutanga indezo kandi imitungo yagakwiye kuba ayikuramo yose yarahawe uwo batandukanye

#Ubuyozi bw’umurenge bwitana ba mwana n’ubw’akagari ku kijyanye n’imitungo ya Rutembeza

Rutembeza Francois arasaba kurenganurwa n’ubuyobozi nyuma y’akarengane yakorewe kajyanye no guhuguzwa imitungo na Uwimana Faith wigeze kuba umugore we gusa batasezeranye imbere y’amategeko. Kugeza uyu munsi uyu mugabo akaba avuga ko nyuma y’aka karengane ko kunyagwa ibye hiyongeyeho kujya atanga indezo y’abana atabyaye ndetse n’abo yabyaye muri aba bakaba barashyingiwe abandi barabaye abagabo.

Uyu Rutemebeza Francois ubarurirwa mu Mudugudu wa Kabaya, Akagari ka Rwimbogo, Umurenge wa Nyarugunga ho mu karere ka Kicukiro agaragaza ko nyuma y’urubanza yagiranye na Uwimana Faith, aba bombi mu mwaka wa 2010 baburanye mu rukiko basaba ubutane ndetse banemeranye kugabana imitungo nk’uko amategeko abiteganya gusa nyuma uyo kuba baragabanye iyi mitungo ndetse Rutembeza agatagekwa kujya atanga indezo(Amafaranga agenwe gufasha abana Rutembeza Francois yabyaranye na Uwimana Faith).

Nk’uko urwandiko Ikinyamakuru Muhabura.rw gifitiye kopi rubigaragaza , Irahoza Esperance wari umunyamabanga Nshingwabikorwa w’akagari ka Rwimbogo mu mwaka wa 2011 yemeje ko Uwimana Faith ahabwa imitungo yose yari yaragabanijwe Rutembeza na Uwimana Faith yose yandikwa kuri uyu Uwimana kugeza ubwo Rutembeza atemerewe kuba yakoresha iyi mitungo irimo amazu (Inzu enye nini ziri kumwe na annex esheshatu) n’imodoka imwe yo mu bwoko bwa Mazida 323. Ibi byombi bikaba kuri ubu bifitwe n’uyu Uwimana Faith uvuga ko yari umugore wa Rutemebeza n’ubwo uyu Rutembeza avuga ko batigeze basezerana.

Mu kugaragaza akarengane ke , uyu Rutembeza Francois yagize ati “Narenganyijwe cyane na Uwimana Faith afatanije n’uwari umuyobozi w’akagari ka Rwimbogo bagera n’aho bankura mu mitungo yange n’ubwo urukiko rwari rwategetse ko ngewe na Uwimana Faith dutandukana burundu ndetse nkanacibwa indezo ariko ubuyobozi bw’akagari bwafashe imitungo yange yose buyiha Uwimana Faith ndetse bigera n’aho bakomeza kujya banyaka indezo kandi aho nagakwiye kuba nkura ayo mafaranga ari muri iyo mitungo ifitwe na Uwimana Faith”

Ikinyamakuru Muhabura.rw, cyashatse kumenya icyo uyu Uwimana Faith ari nawe uvugwa muri iyi nkuru yaba avuga kuri iki kibazo, gusa ubwo umunyamakuru yajyaga ku mureba iwe mu rugo cyane ko kuri ubu uyu Uwimana Faith ari umuyobozi w’umudugudu wa Kabaya. ariko ubwo umunyamakuru yageraga iwe mu rugo bamwe mu bana b’uyu Uwimana bamuhakaniye bamubwira ko niba ari umunyamakuru ntawe ari bubone ndetse ko n’amakuru ashaka ntayo ashobora kubona.

Kuri iki kibazo cya Rutembeza Francois, Umunyamabanga Nshingwabikorwa w’Umurenge wa Nyarugunga Uwamahoro Genevieve avuga ko ikibazo bakizi ndetse nk’ubuyobozi hari icyo bakoze ndetse ko niba hari n’ibindi bibazo byavutse nyuma ariko bitarajya mu nkiko biteguye kubikemura

Umunyamabanga Nshingwabikorwa w’Umurenge wa Nyarugunga Uwamahoro Genevieve

Ku kijyanye n’indezo uyu Rutembeza yasabwe kugeza n’ubwo yakwa indezo ya bamwe mu bana atabyaye ndetse abandi muri aba bakaba barashatse bafite imiryango yabo, Uyu muyobozi avuga ko urukiko arirwo rugena indezo n’igihe izamara cyane ko mu myanzuro y’urubanza haba hagomba kugaragaramo ako gaciro k’ibyo uwatsinzwe asabwa guha uwamutsinze.

Icyo kuba yarambuwe n’ubuyobozi bw’akagari ka Rwimbogo imitungo ye yose igahabwa Uwimana Faith ndetse , Gitifu Uwamahoro yavuze ko kuba urukiko rwarabahaye ubutane we n’umugore we bagakwiye kuba baragabanijwe imitungo n’urukiko cyane ko ariko amategeko aba abiteganya. Uyu munyamabanga Nshingwabikorwa ariko kandi avuga ko Rutembeza yarahawe amafaranga y’imperekeza n’ubuyobozi bw’umurenge byakozwe mu buryo budasobanutse cyane ko umuntu uhabwa ayo mafaranga ari umwe uba uri mu kiciro cy’abantu batishoboye ari naho uyu muyobozi yahereye avuga ko bagiye gukurikirana ibijyanye n’ayo mafaranga n’uburyo ubuyobozi bwayamuhayemo.

Uyu Rutembeza Francois kandi afite ikibazo cyo kuba ubuyobozi bw’akagari bufatanya na Uwimana Faith mu gukomeza kumutoteza. Gusa kuri iki kibazo, Madame Uwamahoro Genevieve akaba yavuze ko uyu Rutembeza Francois yagana ubuyobozi bw’umurenge wa Nyarugunga bukamuha ubufasha bwo ku mukemurira iki kibazo.

Ibiti by’Amaronji bya temwe na Uwinana Faith Afatanyije n’abantu yaje yitwaje


Yanditswe na Ruhumuriza Richard/MUHABURA.rw


Tanga igitecyerezo

Amazina
Ubutumwa

1 Comment

Priscilla - 1 month ago

What’s up, this weekend is nice in favor of me, since this point in time i am reading this great educational piece of writing here at my house.

my blog post; auto body repair estimate

Izindi nkuru