Yashyizweho kuri4 May, 2020 | 21:50

Abakize COVID-19 mu Rwanda bageze ku 128

Minisiteri y’Ubuzima yatangaje ko kuri iki cyumweru tariki 03 Gicurasi 2020, habonetse abarwayi 2 bashya ba Koronavirusi (COVID-19) batahuwe mu bipimo 746 byafashwe mu masaha 24 ashize, bituma abamaze kurwara bose bagera kuri 261.

Abarwayi babamze gukira mu Rwanda bageze ku 128 barimo 4 bakize uyu munsi, mu gihe abakirimo kwitabwaho n’abaganga babaye.

Minisiteri y’Ubuzima ivuga ko abarwayi batahuwe babonetse mu bipimo 35,096.

Mu gihe guhera kuri uyu wa Mbere tariki ya 04 Gicurasi 2020 imirimo imwe n’imwe y’ubuzima busanzwe yasubukuwe, Abaturarwanda barasabwa gukomeza kubahiriza amabwiriza arimo kubahiriza intera ya metero, kwambara udupfukamunwa no gukaraba intoki kenshi bakoresheje amazi meza n’isabuni cyangwa alukoro yabugenewe.

Imibare yatangajwe uyu munsi ku rwego mpuzamahanga yerekana ko abamaze kwandura COVID-19 ku Isi bangana na 3,626,082 barimo abayikize 1,180,950 na ho abamaze guhitanwa na yo bakaba 251,047.

Denis Fabrice Nsengumuremyi /MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru