Yashyizweho kuri10 January, 2020 | 14:08

Wa Mugore wishe umugabo we afatanyije na basaza be bakatiwe gufungwa burundu

Mukampazimpaka na basaza be babiri bakatiwe n’Urukiko rwisumbuye rwa Gasabo gufungwa burundu nyuma yo kubahamya icyaha cyo kwica umugabo we.

Urukiko rwasomye Mukamazimpaka Shanitah na basaza be, Janvier Kamayirese na Francois Habimana mu rubanza rwabereyemu nteko y’abaturage mu mudugudu wa Kaburahe I , Akagari ka Kagugu mu murenge wa Gisozi muri Gasabo.

Icyaha cy’ubwicanyi bugambiriwe baregwaga bagikoze Ku ya 1 Ugushyingo, 2019.

Mu iburanisha ryabaye taliki 13, Ukuboza, 2019, abaregera indishyi babwiye Urukiko ko umuryango wifuza izigera kuri miliyoni 54,8Frw. Icyo gihe abaregwa baratakambye ngo birenze ubushobozi bwabo.

Mu iburanisha ryabaye taliki 13, Ukuboza, 2019, abaregera indishyi babwiye Urukiko ko umuryango wifuza izigera kuri miliyoni 54,8Frw. Icyo gihe abaregwa baratakambye ngo birenze ubushobozi bwabo

Icyo gihe bireguye bemera icyaha bakurikiranyweho, basaba imbabazi Abanyarwanda muri rusange ndetse n’inteko iburanisha, bayisaba gusuzuma neza ubwiregure bwabo bakazagabanyirizwa ibihano.

Umunyamategeko wunganira abaregera indishyi bo mu muryango wa Ndahimana Calixte wishwe, icyo gihe yagaragaje ko ubuhamya abaregwa batanze bisobanura ari uburyo bwo kwirengera, ndetse ko bagamije guharabika nyakwigendera.

Avuga ko kuba batasobanuye neza urugendo rw’iyicwa n’umugambi wabyo bikwiye kugenderwaho hateshwa agaciro ubusabe bwabo bwo kugabanyirizwa ibihano.

Yavugiye muri rusange imbumbe y’amafaranga y’indishyi iregerwa n’abo mu muryango wa Ndahimana, ko ari miliyoni 54 824 756 Rwf, hagendewe ku mushahara yahembwaga ugera ku mafaranga Frw 381 824.

Me Henriette wunganiraga umuryango wa Ndahimana, yinjiye mu kirego k’indishyi agaragaza ko umuryango usaba indishyi ugizwe n’abantu ikenda barimo ababyeyi, abavandimwe ndetse n’abana be.

Yasabye Urukiko ko ibikubiye mu busabe bwabo byakubahirizwa kuko ari we [ wari ufite uruhare rukomeye ku mibereho yabo.

Mukampazimaka na basaza be bagaragaje ko umubare w’amafaranga basabwa nk’indishyi z’akababaro ku muryango w’umugabo we zirenze ubushobozi bwabo, basaba urukiko kuzasuzumana ubushishozi rugakurikiza amategeko ku myanzuro y’uru rubanza.

Chief editor Muhabura.rw


Tanga igitecyerezo

Ibitekerezo


Tanga igitekerezo


Izindi nkuru