Yashyizweho kuri15 March, 2019 | 20:39

Uwahoze ari umuyobozi w’Imari n’Ubutegetsi muri MINEDUC yatawe muri yombi

Uwahoze ari umuyobozi w’Imari n’Ubutegetsi (DAF) muri Minisiteri y’Uburezi (MINEDUC), Niyibizi John yatawe muri yombi n’Urwego rw’umuvunyi kubera ibyaha bibiri akekwaho birimo kudasobanuro inkomoko y’umutungo afite.

Urwego rw’Umuvunyi rutangaza ko uyu Niyibizi yari yahagaritswe ku kazi by’agateganyo ku wa 01 Werurwe kubera kumukekaho ibyaha birimo iki cyo kudasobanura inkomoko y’umutungo we n’icyaha k’iyezandonke.

Urwego rw’Umuvunyi rusanzwe rufite n’ububasha bw’Ubushinjacyaha, abashinjacyaha barwo basanzwe baburana imanza ziregwamo abakekwaho ibyaha nk’ibi bimunga umutungo w’igihugu.

Naho icyaha cyo kudasobanura inkomoko y’umutungo gihanishwa igifungo kitari munsi y’imyaka 7 ariko kikaba kitarengeje imyaka 10 n’ihazabu yikubye kuva ku nshuro 3 kugeza kuri 5 by’agaciro k’umutungo atabashije gusobanura.

Icyaha k’iyezandonke na cyo gihanishwa igifungo kiri hagati y’imyaka 7 n’imyaka 10 n’ihazabu yikubye inshuro kuva kuri eshatu kugeza kuri eshanu z’amafaranga y’iyezandonke.

MUHABURA.RW


Tanga igitecyerezo

Amazina
Ubutumwa

Izindi nkuru