Yashyizweho kuri8 October, 2019 | 20:13

Urukiko rwategetse ko nyiri Goodrich TV yongera gufungwa

Urukiko Rwisumbuye rwa Nyarugenge, kuri uyu wa Kabiri rwemeje ko Dr Francis Habumugisha uregwa gukubitira umukobwa mu ruhame, yongera gukurikiranwa afunzwe nyuma y’Ubujurire bw’Ubushinjacyaha.

Ni mu gihe tariki 23 Nzeri 2019 aribwo Urukiko rwisumbuye rwa Nyarugenge rwarekuye by’agateganyo Dr Francis Habumugisha, umushoramari akaba na nyiri Goodrich TV, ukurikiranyweho gukubitira mu ruhame umukobwa witwa Kamali Diane.

Icyaha ashinjwa cyo gukubita uyu mukobwa ngo ya gikoze tariki 15 Nyakanga.

Mu gihe haburanwaga ifungwa n’ifungurwa ry’agateganyo rya Habumugisha, Ubushinjacyaha bwasabye ko afungwa by’agateganyo mu gihe hakomeje iperereza, kugira ngo atazasibanganya ibimenyetso.

Gusa urukiko rwaje gutegeka ko arekurwa by’agateganyo kuko yakurikiranwe ari hanze amezi abiri mbere yo gutabwa muri yombi kandi ntabwo yigeze abangamira iperereza. Ikindi baburana ku ifungwa n’ifungurwa, Dr Habumugisha yatanze abishingizi urukiko rusanga ari abantu bazwi kandi b’inyangamugayo.

Urukiko kandi rwagaragaje ko kuba icyaha Dr Habumugisha akurikiranyweho kitamufungisha igifungo kirenze imyaka itanu, ibi biri mu byo urukiko rwavuze ko bituma akurikiranwa ari hanze.

Irekurwa rya Dr Francis Habumugisha atanze ingwate ntabwo ryashimishije Ubushinjacyaha, buhita bujurira Urukiko Rwisumbuye rwa Nyarugenge.

Umwanzuro wasomwe n’urukiko kuri uyu wa Kabiri, wemeje ko Ubujurire bw’Ubushinjacyaha kuri Dr Habumugisha Francis bufite ishingiro, rwemeza ko akurikiranywa afunzwe, bityo agomba guhita afatwa.

MUHABURA.RW


Tanga igitecyerezo

Ibitekerezo


Tanga igitekerezo


5 Comments

Eric - 1 week ago

Bibere abandi isomo,icyo uricyo cyose ntikiguha ubudahangarwa bwo guhohotera abandi,harakabaho ubutabera bw’urwanda butaka ruswa

Bogare - 1 week ago

Njye mbona uko umuntu yaba yarakoze cyose adakwiriye kwitwaza ibyo akora ngo nukugira ngo hataba abashomeurs. Amategeko agombe akurikizwehatagize ubangamirwa

Safari - 1 week ago

Dr Francis afite abakozi barenga ijana akoresha nibamufunga Bose barahita bataza akazi kd reta ntanumwe murabo baratakaza akazi iha akazi ikindi ntamuntu yishe kuburyo yasubizwa hasibigeze aho!!!!!

Safari - 1 week ago

Dr Francis akwiriye kurenganurwa kuko afite abantubenshi yakuye mubushomeri ubuyobozi burebe urubyiruko rugiye gutakaza akazi ukorungana birababajepe

Safari - 1 week ago

Dr Francis akwiriye kurenganurwa kuko afite abantubenshi yakuye mubushomeri ubuyobozi burebe urubyiruko rugiye gutakaza akazi ukorungana birababajepe

Izindi nkuru