Yashyizweho kuri20 December, 2018 | 18:39

Rutsiro:Umugabo yatahuweho amasasu 45 bivugwa ko yashakaga kuzayicisha umugore we n’abana

Mu rugo rw’umuturage wo mu Murenge wa Kivumu mu Karere ka Rutsiro, hatahuwe amasasu 45 na magazini ebyiri, bikekwa ko yashakaga kuzayicisha umugore we n’abana.

Umunyamabanga Nshingwabikorwa w’Umurenge wa Kavumu, Umubyeyi Ildegone, yabwiye umunyamakuru ko ayo masasu yaraye atahuwe hafi y’ubwiherero.

Ati “Iruhande rw’ubwiherero bwe habonetse amasasu 45 na magazini ebyiri. Ari kuri Sitasiyo ya Polisi kugira ngo baze kudufasha iperereza.”

Yakomeje avuga ko bataramenya aho uwo mugabo yakuye ayo masasu, niba ari aya vuba cyangwa amaze igihe.

Umuturage uturanye n’uyu mugabo, yavuze ko uyu mugabo yahoraga atongana n’umugore we babyaranye karindwi, yanamukubise amukura n’iryinyo’.

Yakomeje agira ati “Yahoraga avuga ngo azabica. Ubwo rero ejo nimugoroba yacukuye ahantu, umwana we yaramubonye ashyiramo amasasu. Uwo mwana yaragiye arabivuga baraza barayamufatana.”

Uyu muturanyi yavuze ko bishoboka ko uyu mugabo yashakaga kuzagirira nabi umuryango we akoresheje ayo masasu.

Ni mu gihe kandi Ngerero Leonidas,umuyobozi w’umudugudu wa Karambi yavuze ko uyu mugabo yari yabujije abana gucukura aho hatahuwe ayo masasu, aabeshya ko ari avoka yabitse aho hantu.

Yanditswe na Habarurema Djamali


Tanga igitecyerezo

Amazina
Ubutumwa

2 Comments

felicien ruszi - 4 weeks ago

uyu mugabo ahanwe byintarugero abere abandi bafite umugambi nkuwe isomo

niyitegeka François - 4 weeks ago

Ni Mu murenge wa Kivumu ntabwo ari Mu murenge wa Kavumu uwo murenge ntabwo uba Mu karere la Rutsiro

Izindi nkuru