Yashyizweho kuri1 August, 2019 | 11:20

Rubavu:Urubanza rw’abanyamuryango ba koperative bitambitse imodoka y’umuhesha w’inkiko rwabaye

Urubanza ruhagarika cyamunara y’inyubako y’ibagiro rya Koperative Coopérative Dukundumurimo izwi nka COADU rwabaye nyuma y’uko abanyamuryango bayo banze ko Umuhesha w’Inkiko witwa Me Semajambi Leon ateza cyamunara iryo bagiro bo bavuga ko bikiri mu nkiko.

Kuri uyu wa gatatu tariki 31 Nyakanga 2019 habaye nibwo urwo rubanza rwabaye.

Urukiko rwibanze rwa Gisenyi rwafashe uyu mwanzuro nyuma yo gusuzuma imiburanire y’urubanza rwa koperative COADU aho yareze isaba ko cyamunara ihagarika kubera umuheshawinkiko atubahurije imihango yifatira no kubarura umutungo wa Koperative nk’uko umunyamategeko uhagarariyen koperative KOADU,Me Kayiranga Callixte abivuga.

Ibyo atubahirije ngo birimo ibijyanye n’ifatira, aho ngo umuhesha w’inkiko amaze gukora inyandikomvugo y’ifatirabwishyu, akaresha igenagaciro ry’imitungo yafatiriye mu gihe kitarenze iminsi 15.

Umuhesha w’Inkiko ngo amaze gufatira imitungo ntiyasabye ko habaho igenagaciro. Aho kwandikira Urugaga rw’Abahesha b’inkiko ngo Umuhesha w’inkiko Me Semajambi yakoresheje igenagaciro ryakozwe tariki 11 Gashyantare 2019, mu gihe inyandiko ifatira umutungo ari iyo ku tariki ya 11 Nyakanga 2019, ibyo ngo binyuranye n’itegeko kuko igenagaciro rikurikira ifatiramutungo.

Ikindi abahagarariye koperative COADU bavuga ni uko banki y’abaturage yandikiye umuhesha w’inkiko imumenyesha ko umutungo ashaka guteza cyamunara uri mu ngwate za Banki atemerewe kuwuteza, ko igihe yabikora uwakwishyurwa mbere ari Banki.

Ikindi cyavuzwe ni uko umutungo Me Semajambi ashaka guteza cyamunara ukiri mu manza, abakiliya be bubatse ibagiro bakaba bakurikiranyweho gukoresha impapuro impimbano mu kwishyuza.

Gusa umuheshawinkiko Semajambi avuga ko nyuma y iminsi 15 cyamunara izakomeza nyuma yuko yujuje ibyo urukiko rwanenze.

Agize ati "Urukiko ntiruhagaritse cyamunara burundu ahubwo ni agateganyo. Ngiye gushyira mu bikorwa ibyo banenze cyamunara mu minsi 15 izongera ibe".

Rwiyemezamirimo na bamwe mu batanze isoko ryo kubaka koperative barafunze

Hakizimana Hassan, rwiyemezamirimo na bagenzi be, ndetse n’abamuhaye isoko ryo kubaka ibagiro bafunze bakurikiranywe n’ubushinjacyaha inyandiko mpimbano.

Ngo baramutse batsinzwe kandi imitungo ya COADU yaratejwe cyamunara byagira ingaruka ku banyamuryango ba COADU bagera kuri 92.

Nyarubisi Perezida wa COADU avuga ko bishimiye umwanzuro kandi babonye amahirwe yo kwitegura mu rukiko no kurega ababahimbiye ibinyoma ngo babatware umutungo.

Ati "Turishimye kubera umwanzuro w’urukiko cyane ko abaturenganyije bari kuregwa kandi twizeye ubutabera. Ubu tugiye kwitegura kugaragaza ukuri kandi twizeye gutsinda"

COADU yatsinzwe nabayubakiye ibagiro babashinja kutabishyura miliyoni 265 z’ imirimo yinyongera mu gihe kandi abagize Coperative bavuga ko nta mirimo y’inyongera yabayeho ahubwo habaye ubugambanyi hagati ya Rwiyemezamirimo n’abari abayobozi ba Coperative.

Ako kagambane kabayeho ubwo bahimbaga imyanzuro y’ inama rusange bagasinyira abanyamuryango ba COADU ko bemeje ayo mafaranga bitarabayeho ubu abayobozi bayoboraga Coperative hamwe n’abubatse isoko bakaba bafunze bakurikiranyweho izo nyandiko mpimbano.

JPEG - 75.5 kb
Iyi niyo nyubako y’ibagiro rya Koperative Coopérative Dukundumurimo izwi nka COADU

Inkuru bifitanye isano:Rubavu:Abanyamuryango bakoperative bitambitse imodoka y’umuhesha w’inkiko bayibuza guhita
Chief Editor/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru