Yashyizweho kuri9 July, 2019 | 18:41

RCS yanyomoje ibihuha byiriwe bitangazwa kuri Gereza ya Mageragere

Urwego rw’ Igihugu rushinzwe imfungwa n’ abagororwa mu Rwanda rwatangaje ko ibyabaye muri Gereza ya Mageragere mu karere ka Nyarugenge atari imyigaragabyo ahubwo ari ibikorwa by’umutekano bigamije gufata abagize agatsiko kigometse ku mategeko ya Gereza.

Mu gitondo cyo kuri uyu wa Kabiri tariki 9 Nyakanga 2019 nibwo Radiyo Ijwi ry’ Amerika yatangaje ko muri Gereza ya Mageragere habaye imyigaragambyo.

Uwo muntu yavuze ko impamvu bigaragambije ari ukubera umuyobozi mushya witwa Kayumba wazanywe muri gereza ya Mageragere ukubita abagororwa amaferabeto.

Yagize ati “Ni ukubera umuyobozi mushyashya waje, yitwa Kayumba arasohora abafungwa akabakubita amaferabeto, yahagaritse abantu kwivuza, abantu barimo kuborera mu mazu abandi yabajyanye transfert barimo n’ umuyobozi uyobora umurenge(wo muri gereza), yifuza ko twabaho nk’ uko yayoboraga abantu ku Gisenyi akubita abantu”.

Mu butumwa Urwego rw’ igihugu rw’ imfungwa n’ abagororwa RCS rwashyize ku rubuga rwa Twitter rwavuze ko ibyabaye muri Gereza ya Mageragere atari imyigaragambyo nk’ uko byatangajwe ahubwo ari ukwigomeka ku mategeko.

Yagize iti “ Uyu munsi: Kuri Gereza ya Nyarugenge/Mageragere nta myigaragabyo yahabaye nkuko byari byatangajwe na Radio ijwi Amerika. Icyakora habaye ibikorwa by’umutekano bigamije gufata abagize agatsiko kigometse ku mategeko ya Gereza”.

CHIEF EDITOR MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru