Yashyizweho kuri21 November, 2018 | 14:19

Nyamasheke :Umwarimu yaguwe gitumo ari gusambanya umwana

Umugabo wigisha ku ishuri ribanza ryo mu kagari ka Bisumo mu murenge wa Cyato muri Nyamasheke umwarimu ku ishuri kuri uyu wa wa 20 Ugushyingo 2018 nimugoroba yafatiwe mu cyuho inyuma y’isoko asambanya umwana w’umukobwa w’imyaka 16.

Uyu mwana ngo yagiye inyuma y’inzu agiye nko kwihagarika inyuma y’inzu iri ku isoko maze uyu mwarimu arahamusanga amusambanya ku ngufu umwana agatabaza.

Claudette Mukamana Umuyobozi w’Akarere ka Nyamasheke wungirije ushinzwe imibereho myiza y’abaturage avuga ko abatabaye bahise bafata uyu mwarimu bakamujyana ku kagari ka Bisumo.

Akimara kuhagera ngo ntabwo yahamaze umwanya na muto yaje guhita atoroka arahunga kugeza ubu akaba atarafatwa yaraburiwe irengero.

Nk’uko Umuseke ducyesha iyi nkuru ubitangaza ngo uyu mwarimu w’imyaka 28 y’amavuko ubu uri gushakishwa yigisha kuri kimwe mu bigo by’amashuri abanza muri uyu murenge wa Cyato.

Ngo iyi ngeso ntabwo ari ubwa mbere ivuzwe kuko ngo hari abandi barimu bagiye bafatwa basambanyije abana bigisha. Ikandi kandi ngo aba ni ababashije kumenyekana kuko hari n’abatamenyekana cyangwa bagahishirwa ntibashyirwe ahagaragara ngo babiryozwe nk’uko Visi Meya Mukamana akomeza abitangaza.

Kuri ubu hari itegeko rishya n’ibihano ku byaha nk’ibi muri rusange ingingo ya 133 isobanura birambuye iki cyaha, ivuga ko uhamijwe n’Urukiko gusambanya umwana (U18) ahanishwa igifungo kitari munsi y’imyaka 20 ariko kitarengeje imyaka 25.

Yanditswe na Habarurema Djamali


Tanga igitecyerezo

Amazina
Ubutumwa

1 Comment

- 3 months ago

Akwiye gushakishw,agahanwa

Izindi nkuru