Yashyizweho kuri23 May, 2019 | 10:36

Mu kwiregura:nta byinshi mfite byo kwiregura nk’uko natangiye mbyemera-Calixte Sankara

Nsabimana Callixte uzwi nka Sankara, yabwiye urukiko ko nta byinshi afite byo kwireguza kuko ibyaha 16 akurikiranyweho bimwe yabikoze ku giti cye ibindi bigakorwa n’umutwe yari abereye umuvugizi.

Kuri uyu wa Kane, Nsabimana yagejejwe imbere y’Urukiko rw’Ibanze rwa Gasabo yunganiwe n’Umunyamategeko we Nkundabarashi Moise, wanamwunganiye kuva mu bugenzacyaha.

Ubushinjacyaha bwavuze ko bumukurikiranyeho ibyaha 16 birimo iremwa ry’umutwe w’ingabo ritemewe, Icyaha cy’iterabobwoba ku nyungu za politiki, gukora no kugira uruhare mu bikorwa by’iterabwoba, gutanga amabwiriza mu gikorwa cy’iterabwoba, kuba mu mutwe w’iterabwoba, icyaha cyo kugambana no gushishikariza abandi gukora iterabwoba, ubwicanyi n’ubwinjiracyaha bw’ubwicanyi, gufata bugwate, gukwiza amakuru atariyo cyangwa icengezamatwara rigamije kwangisha leta y’u Rwand amu bihugu by’amahanga, guhakana Jenoside, kwiba yitwaje intwaro, gutwika, kugirana umubano na leta y’amahanga hagamijwe gushoza intambara, gukora cyangwa gukoresha impapuro mpimbano, gukubita no gukomeretsa ku bushake no gutanga, kwakira no gushishikariza kwakira ibikomoka ku iterabwoba.

Mu kwiregura, Nsabimana yavuze ko "nta byinshi mfite byo kwiregura nk’uko natangiye mbyemera, ibyaha byose ndegwa hano, ibyo nakoze ku giti cyanjye nk’ibi bijyanye na pasiporo nagombaga gukoresha mu kazi kanjye ko kwihisha mu kurwanya ubu butegetsi, ibindi byaha ni ibyakozwe n’inyeshyamba za FLN nari mbereye umuvugizi, nkaba kandi nari n’umwe mu bayobozi bakuru b’impuzamashyaka ya MRCD, ari yo rwego politiki rwayoboraga FLN."

Ati "Uteye ikigo cya gisirikare ukanyaga ibikoresho runaka cyangwa ukica abasirikare runaka, kujya kuri radiyo nkabisobanura nk’umuvugizi byari kunyorohera." Ku bwe kuba harishwe abasivili ntibyari bikwiye kuko kujya kuri radio ukajya gusobanura ko nk’abasirikare bishe abaturage mu isoko bitoroshye.

Yavuze ko akibona MINADEF itangaje ko hari imodoka zatwitswe hafi ya Nyungwe, ngo yahamagaye Gen. Sinayobye ntiyamubona ariko undi musirikare mukuru amubwira ko "abahungu bazamutse berekeza kuri kaburimbo", ngo ahita amenya ko ari abasirikare ba FLN babikoze.

Ibyo ngo byagabwe na Major Guado. Aho ngo yaboneye Gen Maj Sinayobye Barnabé, yamubajije ko Leta y’u Rwanda ivuga ko igitero bakoze bishemo abasivili bagakomeretsa n’abandi, undi amusubiza ko leta y’u Rwanda "barabeshya niko babaye", amubwira ko ngo yabwiwe ko abarashwe ari abasirikare babiri bari muri izo modoka, bashatse kubarwanya.

Ngo yanamwoherereje n’amafoto abiri, imwe iriho umuntu w’umusirikare atabashije kwibuka izina rye, indi iriho uwahoze ari umusirikare ngo yabonaga yarasezerewe mu ngabo, ariko ngo yari umwavoka witwaga Yusuf. Nyuma ngo yaje kumenya ko uwo Yusufu ari muzima.

Kugeza ku wa 12 Mata, ngo amakuru Nsabimana yari afite ku bitero bya Kitabi, yari uko FLN yahagaritse izo modoka, abasirikare bayo bagatangira kwigisha abagenzi politiki za MRCD, ko abarashwe bari abasirikare bashatse kubarwanya.
Ngo amaze gufatwa akanerekwa gihamya, nibwo yanamenye ko muri batandatu bishwe mu gitero bari abagore kandi ari abasivili.

Inkuru bifitanye isano:.Imbere y’urukiko, Nsabimana Callixte Sankara ngo ’ntiyibuka umudugudu avukamo’ [REBA AMAFOTO]
. Kurikirana urubanza rwimbitse rwa Nsabimana Calixte Sankara uregwa ibyaha 16
.Dosiye ya Nsabimana Callixte uzwi nka Sankara yashyikirijwe Urukiko
Aya mahirwe ntagucike:Ikigo Best World Link Group cyahaye amahirwe abana 15 bashaka kwiga muri Turikiya kuri buruse bakazishyurirwa 90%
Chief Editor/MUHABURA.RW


Tanga igitecyerezo

Amazina
Ubutumwa

1 Comment

- 3 weeks ago

yewe uwo calixte sankara yari yarahangayikishije igihugucyacurwose akwiye guhanwa ahubwo nkekako nibanamurekura azaasubira bitewenukuntu yari andasiye nyaruguru kbc yirirwaga atera abantu ubwoba kumbugankoranyambaga yari yarazigize iziwekbc akwiyeguhanwa akumvako nundi uzegera umurirowese uzamwosta murako ze turabakundacyane #hano inyaruguru

Izindi nkuru