Yashyizweho kuri8 December, 2018 | 10:45

Leta y’u Rwanda igiye gusuzuma byimbitse ingaruka z’irekurwa rya Diane Rwigara na nyina Mukangemanyi

Minisitiri w’Ubutabera akaba n’Intumwa Nkuru ya Leta, Johnston Busingye, yavuze ko Leta y’u Rwanda iri bwubahirize icyemezo cy’urukiko ku rubanza rwa Diane Rwigara na Adeline Rwigara, ariko ashimangira ko igiye gusuzuma byimbitse ingaruka z’iki cyemezo.

Ubu butumwa bushyizwe ahagaragara nyuma y’uko kuri uyu wa Kane tariki 6 Ukuboza 2018, Urukiko rukuru rwagize abere Diane Rwigara na nyina Mukangemanyi Adeline.

Bityo mu itangazo Minisitiri w’ubutabera Busingye yashyize ahagaragara nyuma y’icyemezo cy’urukiko,yatangaje ko yubahiriza icyemezo cy’urukiko ariko ko izasuzuma byimbitse ingaruka z’uku kugirwa abere kwa Diane Rwigara na Adeline Rwigara.

Yagize ati “Leta irubahiriza icyemezo cy’urukiko ku rubanza rwa Diane Rwigara na Adeline Rwigara kandi iraza gusuzuma byimbitse ingaruka z’iki cyemezo. Twamaganye abantu batandukanye bakomeza gutambamira ubutabera mu byo bandika cyangwa bavuga.”

Tuzakomeza guteza imbere no kubungabunga amategeko yacu, harimo ajyanye n’imigendekere y’amatora, umudendezo w’igihugu cyacu kandi twimakaza kubaha ibyemezo by’ubutabera."

Gusa mbere y’uko uru rubanza rusomwa, hari abantu biganjemo abanyamahanga barimo abagize Inteko Ishinga Amategeko ya Amerika, bagiye bagaragaza ko Diane na Adeline Rwigara barekurwa, mu gihe urukiko rwari rugisuzuma neza ibimenyetso byatanzwe n’Ubushinjacyaha ndetse n’ibyo bireguye bavuga.

Ibi byagiye byamaganirwa kure n’u Rwanda ruvuga ko ubwigenge bw’ubutabera bwarwo butagomba kubangamirwa cyangwa ngo buvogerwa.

Ni mugihe nyuma y’isomwa ry’uru rubanza,Ubushinjacyaha nabwo bwatangaje ko nabwo nk’uko bisanzwe bwubaha ibyemezo by’inkiko.

Mu butumwa bwanyujije kuri Twitter, bwatangaje ko bugiye kwicara bugasuzuma neza icyo cyemezo buhitemo icyo gukora.

Bwagize buti “Turaza gusoma neza dusesengure icyemezo cy’Urukiko mu rubanza rw’ubushinjacyaha bwarezemo Diane Rwigara na bagenzi be, duhitemo icyo gukora hakurikijwe ibyo amategeko ateganya.”

Abo bo mu muryango wa Rwigara aribo Diane Rwigara, murumuna we Anne n’umubyeyi wabo Mukangemanyi Rwigara batawe muri yombi ku wa 23 Nzeri 2017. Ku wa 23 Ukwakira 2017 Urukiko Rwisumbuye rwa Nyarugenge rwategetse ko Anne afungurwa, ntiyakomeza gukurikiranwa.

Diane Rwigara yaregwaga gukora no gukoresha impapuro mpimbano ubwo yashakaga ibyangombwa byo kwiyamamariza kuyobora u Rwanda mu matora yabaye mu 2017, aregwa kugambirira guteza imvururu hashingiwe ku mvugo yakoresheje aganira n’abanyamakuru.

Nyina Mukangemanyi we yarezwe kugambirira guteza imvururu, ivangura no gukurura amacakubiri.

Bombi bari basabiwe n’Ubushinjacyaha gufungwa imyaka 22, ariko kuri uyu wa Kane umucamanza yanzura ko urukiko rwasanze ibimenyetso by’Ubushinjacyaha bidahagije mu kugaragaza ko ibyaha abaregwa bakurikiranyweho koko babikoze.

Ku wa 5 Ukwakira 2018 Urukiko Rukuru rwemeje ko abandi nabo barekurwa by’agateganyo, bakomeza kuburana bari hanze.

SOMA INKURU IBIFITANYE ISANO:http://muhabura.rw/amakuru/ubutabera/article/diane-rwigara-na-nyina-mukangemanyi-bagizwe-abere-ku-byaha

Yanditswe na Habarurema Djamali


Tanga igitecyerezo

Amazina
Ubutumwa

2 Comments

- 1 week ago

Mwakoze Kubarekura Mugihe Mwabonyeko Bera Kuko Amaso yatwebwe Abantu Ntabona Kumwe Haruwo Wereka Urupapuro Gwera We Akaguma Abonako Gwirabura Je Mbona Ariteka Ubutungane Bwiyambitse Nejo Nejobundi Je Sinize Ariko Ndamaze Kuburana Kirazira Intahe Yamaze Gusasa Kwitaba Fone Ukumvango Arooo e uvuze agume mugasho ego ngo wumvise bantegetse kugumayo bande eeee ngo nitegeko rivuye hejuru . kumana ? amategeko ntanahamwe yayasomye nayo yasomye sayo mugitabo nukuri twikebuke mugusomera abantu amategeko

- 1 week ago

muraho ndi ibujumbura.ubuse bamurekura batabonako ntakosa afite?nje numva yarenganaga.

Izindi nkuru